شىمكەنت قالاسىنىڭ اكىمى مۇرات ايتەنوۆ اباي اۋدانىنداعى ارعىماق تۇرعىن الابىن ارالاپ، ونداعى ينفراقۇرىلىم ماسەلەلەرىمەن تانىستى.
54 گەكتار اۋماقتى الىپ جاتقان تۇرعىن الاپتا 47 ءۇي قونىستانعان. ونداعى تۇرعىندارعا اپتاسىنا ەكى رەت تاسىمالدى اۋىز سۋ جەتكىزىلىپ تۇرادى. بۇگىندە ساپالى اۋىز سۋمەن قامتۋ بويىنشا مەردىگەر مەكەمە «ۋلماد» جشس-ءى تاراپىنان جوبالىق سمەتالىق قۇجاتتارى دايىندالعان. ال ەلەكتر جارىعىمەن قامتاماسىز ەتۋ ماقساتىندا دەمەۋشىلەر ەسەبىنەن 29 باعانا ورناتىلعان. قازىرگى تاڭدا 47 ءۇي جارىق جەلىسىنە قوسىلعان. مەملەكەتتىك ەلەكتر جارىعىمەن قامتۋ ماقساتىندا جسق دايىندالۋ ۇستىندە. ودان وزگە، الاپ تۇرعىندارى تابيعي گازعا كەلەر جىلى قوسىلاتىن بولدى.
سونىمەن قاتار، مۇندا بىلتىر 1,8 شاقىرىمعا، بيىل 1,2 شاقىرىم جولعا شاعال تاس توسەلگەن. قالعان 3,3 شاقىرىم جولعا شاعال تاس توسەۋ جۇمىستارى كەلەر جىلى اياقتالادى دەپ جوسپارلانۋدا.
ماسەلەمەن قانىققان قالا اكىمى ارعىماق تۇرعىن الابىن تابيعي گازبەن قامتاماسىز ەتۋ بويىنشا دايىندالىپ جاتقان سمەتالىق قۇجاتتاردى جىل سوڭىنا دەيىن اياقتاۋدى جانە ينفراقۇرىلىم جۇيەسىنىڭ ساپالى ورىندالۋىن تىپسىردى.
شىمكەنت قالاسى اكىمىنىڭ ءباسپاسوز قىزمەتى
