Shymkent qalasynyń ákimi Murat Áıtenov Abaı aýdanyndaǵy Arǵymaq turǵyn alabyn aralap, ondaǵy ınfraqurylym máselelerimen tanysty.
54 gektar aýmaqty alyp jatqan turǵyn alapta 47 úı qonystanǵan. Ondaǵy turǵyndarǵa aptasyna eki ret tasymaldy aýyz sý jetkizilip turady. Búginde sapaly aýyz sýmen qamtý boıynsha merdiger mekeme «Ýlmad» JShS-i tarapynan jobalyq smetalyq qujattary daıyndalǵan. Al elektr jaryǵymen qamtamasyz etý maqsatynda demeýshiler esebinen 29 baǵana ornatylǵan. Qazirgi tańda 47 úı jaryq jelisine qosylǵan. Memlekettik elektr jaryǵymen qamtý maqsatynda JSQ daıyndalý ústinde. Odan ózge, alap turǵyndary tabıǵı gazǵa keler jyly qosylatyn boldy.
Sonymen qatar, munda byltyr 1,8 shaqyrymǵa, bıyl 1,2 shaqyrym jolǵa shaǵal tas tóselgen. Qalǵan 3,3 shaqyrym jolǵa shaǵal tas tóseý jumystary keler jyly aıaqtalady dep josparlanýda.
Máselemen qanyqqan qala ákimi Arǵymaq turǵyn alabyn tabıǵı gazben qamtamasyz etý boıynsha daıyndalyp jatqan smetalyq qujattardy jyl sońyna deıin aıaqtaýdy jáne ınfraqurylym júıesiniń sapaly oryndalýyn typsyrdy.
Shymkent qalasy ákiminiń baspasóz qyzmeti
