شىمكەنت قالاسىنا ارنايى جۇمىس ساپارىمەن «NUR OTAN» پارتياسى توراعاسىنىڭ ءبىرىنشى ورىنباسارى باۋىرجان بايبەك كەلدى. ول قالا اكىمى مۇرات ايتەنوۆپەن بىرگە اباي اۋدانىنداعى م. ۆودوپيانوۆ كوشەسىندەگى قۇرىلىسى اياقتالعان تۇرعىن ءۇيدىڭ اشىلۋ راسىمىنە قاتىستى. بۇگىندە ونداعى تۇرعىنداردىڭ قۋانىشىندا شەك جوق. سەبەبى ۆودوپيانوۆ كوشەسى №1 «ا» كوپ پاتەرلى ءۇيدىڭ قۇرىلىسى اياقتالدى. ءبىر جىل الدىن ورتكە ورانعان ۇيدەگى 42 وتباسى جاڭا باسپانانىڭ كىلتىن الادى.
تۇرعىنداردىڭ باسپانا ماسەلەسىن شەشۋ ماقساتىندا ءورت بولعان ءۇيدىڭ ورنىنا «شىمكەنت اكك» اق ارقىلى جوبا قۇنى 550,1 ملن. تەڭگەگە جاڭا 5 قاباتتى 85 پاتەرلى تۇرعىن ءۇي تۇرعىزىلدى. جۇمىستى مەردىگەر «وتاۋستروي» جشس-ءى اتقاردى.
پارتيانىڭ ءبىرىنشى ورىنباسارى اتالعان كوپ قاباتتى تۇرعىن ءۇيدىڭ پاتەرلەرىن ارالاپ، تۇرعىندارمەن تىلدەستى.
شىمكەنت قالاسى اكىمىنىڭ ءباسپاسوز قىزمەتى
