Shymkent qalasyna arnaıy jumys saparymen «NUR OTAN» partııasy tóraǵasynyń birinshi orynbasary Baýyrjan Baıbek keldi. Ol qala ákimi Murat Áıtenovpen birge Abaı aýdanyndaǵy M. Vodopıanov kóshesindegi qurylysy aıaqtalǵan turǵyn úıdiń ashylý rásimine qatysty. Búginde ondaǵy turǵyndardyń qýanyshynda shek joq. Sebebi Vodopıanov kóshesi №1 «A» kóp páterli úıdiń qurylysy aıaqtaldy. Bir jyl aldyn órtke oranǵan úıdegi 42 otbasy jańa baspananyń kiltin alady.
Turǵyndardyń baspana máselesin sheshý maqsatynda órt bolǵan úıdiń ornyna «Shymkent ÁKK» AQ arqyly joba quny 550,1 mln. teńgege jańa 5 qabatty 85 páterli turǵyn úı turǵyzyldy. Jumysty merdiger «OtaýStroı» JShS-i atqardy.
Partııanyń birinshi orynbasary atalǵan kóp qabatty turǵyn úıdiń páterlerin aralap, turǵyndarmen tildesti.
Shymkent qalasy ákiminiń baspasóz qyzmeti
