بۇگىن شىمكەنت قالاسىنىڭ اكىمى مۇرات ايتەنوۆ قالاداعى ءدىني كونفەسسيا جەتەكشىلەرىمەن كەزدەستى. كەزدەسۋ بارىسىندا «18 قازان – رۋحاني كەلىسىم كۇنى» مەرەكەسىمەن قۇتتىقتاپ، كونفەسسيا باسشىلارىمەن ءدىن وكىلدەرىنىڭ اتقارىپ جاتقان جۇمىستارى بويىنشا پىكىر الماسىپ، دىنارالىق قارىم-قاتىناس ماسەلەلەرىن تالقىلادى.
- سىزدەردى «18 قازان – رۋحاني كەلىسىم كۇنى» مەرەكەسىمەن شىن جۇرەكتەن قۇتتىقتايمىن! بۇگىنگى ءبىزدىڭ مىندەتىمىز مەملەكەتتىڭ بەرىكتىگىن ساقتاپ، حالىق بىرلىگىن ودان ءارى نىعايتۋ جانە بارلىق قازاقستاندىقتاردى «ماڭگىلىك ەل» قۇندىلىعىنىڭ اينالاسىنا توپتاستىرۋ بولىپ تابىلادى. بۇل جۇمىستا وزدەرىڭىز باسقارىپ وتىرعان كونفەسسيالاردىڭ ءرولى زور. سوندىقتان كەزدەسۋىمىز حالىقتار دوستىعىنا، ۇلتارالىق جانە دىنارالىق كەلىسىمدى نىعايتۋعا ىقپال ەتەتىنىنە سەنىمدىمىن، - دەدى شاھار باسشىسى.
سونىمەن قاتار، قالا اكىمى رۋحاني كەلىسىم كۇنىنە وراي كونفەسسيا باسشىلارىنا العىس حات تابىستادى.
شىمكەنت قالاسى اكىمىنىڭ ءباسپاسوز قىزمەتى
