Búgin Shymkent qalasynyń ákimi Murat Áıtenov qaladaǵy dinı konfessııa jetekshilerimen kezdesti. Kezdesý barysynda «18 qazan – Rýhanı kelisim kúni» merekesimen quttyqtap, konfessııa basshylarymen din ókilderiniń atqaryp jatqan jumystary boıynsha pikir almasyp, dinaralyq qarym-qatynas máselelerin talqylady.
- Sizderdi «18 qazan – Rýhanı kelisim kúni» merekesimen shyn júrekten quttyqtaımyn! Búgingi bizdiń mindetimiz memlekettiń beriktigin saqtap, halyq birligin odan ári nyǵaıtý jáne barlyq qazaqstandyqtardy «Máńgilik El» qundylyǵynyń aınalasyna toptastyrý bolyp tabylady. Bul jumysta ózderińiz basqaryp otyrǵan konfessııalardyń róli zor. Sondyqtan kezdesýimiz halyqtar dostyǵyna, ultaralyq jáne dinaralyq kelisimdi nyǵaıtýǵa yqpal etetinine senimdimin, - dedi shahar basshysy.
Sonymen qatar, qala ákimi Rýhanı kelisim kúnine oraı konfessııa basshylaryna alǵys hat tabystady.
Shymkent qalasy ákiminiń baspasóz qyzmeti
