ەلدە دارىگەر تاپشىلىعى بايقالادى

2145
Adyrna.kz Telegram

ەلدە دارىگەر تاپشىلىعى بايقالادى، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ. ستاتيستيكالىق مالىمەتتەرگە سۇيەنەتىن بولساق، قازاقستاندا ءجۇز مىڭ ادامعا 39 دارىگەردەن كەلەدى. بۇل ساندار اق حالاتتىلاردىڭ جەتپەيتىنىن كورسەتەدى.

رەسپۋبليكالىق دەنساۋلىق ساقتاۋدى دامىتۋ ورتالىعى باس ديرەكتورىنىڭ ايتۋىنشا، وسى كۇندە 4,5 مىڭعا جۋىق دارىگەر تاپشى. اسىرەسە قالالىق جەرلەرگە مەديتسينا قىزمەتكەرلەرى جەتپەيدى. مينيسترلىكتىڭ دەرەگىنشە، مەديتسينالىق كادرلارمەن قامتاماسىز ەتۋدىڭ ەڭ تومەن كورسەتكىشتەرى: اقمولا، الماتى، اتىراۋ، جامبىل، قوستاناي جانە تۇركىستان وبلىستارىندا انىقتالىپ وتىر. سونىمەن قاتار، دارىگەرلەردىڭ ازايۋىنا مامانداردىڭ باسقا وڭىرلەرگە كوشىپ كەتۋى دە سەبەپ بولعان.

«كادرلاردىڭ تۇراقتاماۋىنىڭ نەگىزگى سەبەپتەرىنىڭ ءبىرى – كادرلاردىڭ باسقا ايماقتارعا قونىس اۋدارىپ كەتۋى. بۇگىندە شىعىس قازاقستان، سولتۇستىك قازاقستان جانە قاراعاندى وبلىستارىندا مەديتسينا كادرلارىنىڭ كوبىسى باسقا ەلدەرگە كوشىپ جاتىر. سوڭعى ءۇش جىلدىقتا 3 جارىممىڭ مامان شەكارا اسىپ كەتكەن. بۇل جەردە ەلدىڭ دەنساۋلىق ساقتاۋ جۇيەسىنىڭ دە قاتەلىگى بار. ولار قىزمەتكەرلەرگە قاجەتتى جاعداي جاسامايدى. كەرىسىنشە، پسيحوەموتسيونالدىق قىسىم كورسەتىپ، كاسىبي وسۋىنە كەدەرگى كەلتىرەدى»،-دەيدى قر دسم رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات توسەكباەۆ.

قازىرگى تاڭدا، كوبىنەسە انەستەزيولوگ-رەانيماتولوگتار مەن تەراپەۆتتەر تاپشى. كوروناۆيرۋسپەن كۇرەس مايدانىندا قاجەتتى ەپيدەميولوگتار مەن ينفەكتسونيستەر دە جەتپەي جاتىر. مەبديكەلەرگە دە سۇرانىس جوعارى. بۇل ماماندىق بويىنشا ەلىمىزدە 8,5 مىڭداي ورىن بوس تۇر.

«ادىرنا» ۇلتتىق پورتالى

پىكىرلەر