Elde dáriger tapshylyǵy baıqalady, dep habarlaıdy «Adyrna» ulttyq portaly «Astana TV» arnasyna silteme jasap. Statıstıkalyq málimetterge súıenetin bolsaq, Qazaqstanda júz myń adamǵa 39 dárigerden keledi. Bul sandar aq halattylardyń jetpeıtinin kórsetedi.
Respýblıkalyq densaýlyq saqtaýdy damytý ortalyǵy bas dırektorynyń aıtýynsha, osy kúnde 4,5 myńǵa jýyq dáriger tapshy. Ásirese qalalyq jerlerge medıına qyzmetkerleri jetpeıdi. Mınıstrliktiń dereginshe, medıınalyq kadrlarmen qamtamasyz etýdiń eń tómen kórsetkishteri: Aqmola, Almaty, Atyraý, Jambyl, Qostanaı jáne Túrkistan oblystarynda anyqtalyp otyr. Sonymen qatar, dárigerlerdiń azaıýyna mamandardyń basqa óńirlerge kóship ketýi de sebep bolǵan.
«Kadrlardyń turaqtamaýynyń negizgi sebepteriniń biri – kadrlardyń basqa aımaqtarǵa qonys aýdaryp ketýi. Búginde Shyǵys Qazaqstan, Soltústik Qazaqstan jáne Qaraǵandy oblystarynda medıına kadrlarynyń kóbisi basqa elderge kóship jatyr. Sońǵy úsh jyldyqta 3 jarymmyń maman shekara asyp ketken. Bul jerde eldiń densaýlyq saqtaý júıesiniń de qateligi bar. Olar qyzmetkerlerge qajetti jaǵdaı jasamaıdy. Kerisinshe, psıhoemoıonaldyq qysym kórsetip, kásibı ósýine kedergi keltiredi»,-deıdi QR DSM Respýblıkalyq Densaýlyq saqtaýdy damytý ortalyǵynyń bas dırektory Qanat TÓSEKBAEV.
Qazirgi tańda, kóbinese anestezıolog-reanımatologtar men terapevtter tapshy. Koronavırýspen kúres maıdanynda qajetti epıdemıologtar men ınfekonıster de jetpeı jatyr. Mebdıkelerge de suranys joǵary. Bul mamandyq boıynsha elimizde 8,5 myńdaı oryn bos tur.
«Adyrna» ulttyq portaly
