شىمكەنت قالاسىندا شاعىن جانە ورتا كاسىپكەرلىكتى دامىتۋ ماقساتىندا جەرگىلىكتى تاۋار وندىرۋشىلەرگە جەر تەلىمدەرى بەرىلىپ جاتىر. بۇل جونىندە بۇگىن قالا اكىمى مۇرات ايتەنوۆتىڭ توراعالىعىمەن وتكەن جيىندا ءمالىم بولدى.
شاھاردا الەۋمەتتىك ماڭىزى بار ازىق-تۇلىك تاۋارلارى باعاسىن تۇراقتاندىرۋ شارالارى اياسىندا ساۋدا نىساندارعا اينالىمعا قارىز قاراجات بەرۋ، تاۋار ينتەرۆەنتسياسىن جۇرگىزۋ، جىلجىمالى الەۋمەتتىك ساۋدا نۇكتەلەرىن اشۋ، جەرگىلىكتى تاۋار وندىرۋشىلەرگە جەر تەلىمدەرىن ءبولۋ سياقتى ستراتەگيالىق جۇمىستار اتقارىلىپ جاتىر.
«بۇگىندە «Shymkent» اكك» اق ارقىلى ەت ساتۋمەن اينالىساتىن «بايتەرەك اگرو» كورپوراتسياسى مەن «تاسساي قۇس» كومپانياسى – جۇمىرتقا ساتۋ نۇكتەسىنە جەر تەلىمى ءبولىندى» - دەيدى اۋىلشارۋاشىلىق جانە ۆەتەريناريا باسقارماسى باسشىسىنىڭ م.ا جانباتىروۆ ابۋناسىر.
مۇنان وزگە جىل سوڭىنا دەيىن «شىمكەنت ماي» اق (كۇنباعىس مايى), «التىن-ءدان» جشس جانە «DANI NAN» جشس (ۇن), «شىمكەنت ءسۇت» جشس ء(سۇت ونىمدەرى), «شىمكەنت قۇس» جشس (جۇمىرتقا جانە تاۋىق ەتى), «بارىس-2007» جشس (ماكارون) سىندى ءونىم وندىرۋشىلەرگە جەر تەلىمدەرىن ۇلەستىرۋ جوسپارلانىپ وتىرعانىن جەتكىزدى.
سونداي-اق، الداعى ۋاقىتتا «فيركان» جانە «گراماد» ساۋدا جەلىلەرى كەڭەيتىلەدى.
سونىمەن قاتار، الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماقساتىندا جىلجىمالى الەۋمەتتىك ساۋدا نۇكتەلەرىن دامىتۋ قولعا الىنعان. قازىرگى تاڭدا 6 بازاردا جانە تىعىز ورنالاسقان ايماقتاعى 3 ورىندا جىلجىمالى ساۋدا نۇكتەسى جۇمىس جاسايدى. قوسىمشا تاعى قىركۇيەكتە 4 اۋداننان 8 ساۋدا نۇكتەسىن اشۋ جوسپاردا بار.
«جەر تەلىمدەرى ناقتى مەرزىمدە بەلگىلى ءبىر جۇيە ارقىلى بەرىلۋى قاجەت. وسى بويىنشا جۇمىس جاساۋدى جانە تاۋار قورىن ارتتىرىپ، باعانىڭ تۇراقتى بولۋىن ۇنەمى باقىلاۋدا ۇستاۋدى تاپسىرامىن» - دەپ مۇرات ايتەنوۆ سالاعا جاۋاپتىلارعا تاپسىرمالاردى ورىنداۋدى جۇكتەدى.
شىمكەنت قالاسى اكىمىنىڭ ءباسپاسوز قىزمەتى
