Shymkent qalasynda shaǵyn jáne orta kásipkerlikti damytý maqsatynda jergilikti taýar óndirýshilerge jer telimderi berilip jatyr. Bul jóninde búgin qala ákimi Murat Áıtenovtiń tóraǵalyǵymen ótken jıynda málim boldy.
Shaharda áleýmettik mańyzy bar azyq-túlik taýarlary baǵasyn turaqtandyrý sharalary aıasynda saýda nysandarǵa aınalymǵa qaryz qarajat berý, taýar ıntervenııasyn júrgizý, jyljymaly áleýmettik saýda núktelerin ashý, jergilikti taýar óndirýshilerge jer telimderin bólý sııaqty strategııalyq jumystar atqarylyp jatyr.
«Búginde «Shymkent» ÁKK» AQ arqyly et satýmen aınalysatyn «BÁITEREK AGRO» korporaııasy men «TASSAI QUS» kompanııasy – jumyrtqa satý núktesine jer telimi bólindi» - deıdi aýylsharýashylyq jáne veterınarııa basqarmasy basshysynyń m.a Janbatyrov Abýnasyr.
Munan ózge jyl sońyna deıin «ShYMKENT MAI» AQ (kúnbaǵys maıy), «ALTYN-DÁN» JShS jáne «DANI NAN» JShS (un), «ShYMKENT SÚT» JShS (sút ónimderi), «ShYMKENT QUS» JShS (jumyrtqa jáne taýyq eti), «BARYS-2007» JShS (makaron) syndy ónim óndirýshilerge jer telimderin úlestirý josparlanyp otyrǵanyn jetkizdi.
Sondaı-aq, aldaǵy ýaqytta «Fırkan» jáne «Gramad» saýda jelileri keńeıtiledi.
Sonymen qatar, áleýmettik mańyzy bar azyq-túlik taýarlarynyń baǵasyn turaqtandyrý maqsatynda jyljymaly áleýmettik saýda núktelerin damytý qolǵa alynǵan. Qazirgi tańda 6 bazarda jáne tyǵyz ornalasqan aımaqtaǵy 3 orynda jyljymaly saýda núktesi jumys jasaıdy. Qosymsha taǵy qyrkúıekte 4 aýdannan 8 saýda núktesin ashý josparda bar.
«Jer telimderi naqty merzimde belgili bir júıe arqyly berilýi qajet. Osy boıynsha jumys jasaýdy jáne taýar qoryn arttyryp, baǵanyń turaqty bolýyn únemi baqylaýda ustaýdy tapsyramyn» - dep Murat Áıtenov salaǵa jaýaptylarǵa tapsyrmalardy oryndaýdy júktedi.
Shymkent qalasy ákiminiń baspasóz qyzmeti
