مەملەكەت باسشىسى قاسىم-جومارت كەمەلۇلى بيىلعى جولداۋىندا اۋىلشارۋاشىلىعى سالاسىن ەكونوميكانىڭ قوزعاۋشى كۇشى رەتىندە دامىتۋدى تاپسىرعان بولاتىن. وسى ماقساتتا قالادا اۋىلشارۋاشىلىعىن دامىتۋ بويىنشا بىرقاتار اۋقىمدى جۇمىستار اتقارىلۋدا.
شىمكەنت قالاسىنداعى كۇزگى دالا جۇمىستارى تۋرالى قالالىق اۋىل شارۋاشىلىعى باسقارماسى ماماندارى حابارلادى. ولاردىڭ ايتۋىنشا، بيىل جوسپارعا سايكەس 27 600 گەكتار اۋماققا ەگىستىك ەگۋ جوسپالانعان. قازىرگى تاڭدا 27 908,2 گەكتارعا ەگىس ەگىلىپ، جوسپاردان 308,2 گەكتارعا ارتىق ورىندالىپ وتىر. بۇل كورسەتكىش 2019 جىلمەن سالىستىرعاندا 1300 گەكتارعا ارتىپ وتىر.
ونىڭ ىشىندە، ءداندى داقىلداردىڭ ەگىس كولەمى – 12 489,1 مىڭ گا، مايلى داقىلدار – 3 568,3 گا، كوكونىس پەن باقشا – 2566,3 گا، كارتوپ –349,9 گا، مالعا ازىق بولار داقىلدار – 6 679,5 گا.
سونىمەن قاتار، اگرو سالانى دامىتۋ باعىتىندا قولعا الىنعان باعدارلامالار دا ءوز ناتيجەسىن بەرىپ كەلەدى. شارۋالاردى جانار جاعار مايمەن، سۋبسيديامەن قامتۋ ىسىندە دە ىلگەرىلەۋشىلىك بار. اتاپ ايتقاندا، اۋىل شارۋاشىلىعى تاۋار وندىرۋشىلەرىنىڭ كەدەرگىسىز ءونىم جيناۋ جۇمىستارىن ۇيىمداستىرۋ ماقساتىندا، مەملەكەت تاراپىنان جەڭىلدەتىلگەن باعامەن كۇزگى دالا جۇمىستارىن جۇرگىزۋگە مىڭ توننا جانار – جاعار ماي بولىنگەن (1 ليتر باعاسى -161 تەڭگە). ال شارۋالارعا 89,7 ملن. تەڭگەگە 1 210 توننا تىڭايتقىش سۋبسيديالاندى.
ناتيجەسىندە اعىمداعى جوسپارلانعان 72 مىڭ توننا اۋىل شارۋاشىلىعى داقىلدارىنىڭ 59,3 مىڭ تونناسى بۇگىنگى تاڭدا جينالدى. ونىڭ ىشىندە 14 مىڭ توننا ءداندى داقىلدار، 2,4 مىڭ توننا مايلى داقىلدار، 2,4 مىڭ توننا كارتوپ، 10,8 مىڭ توننا مال ازىعى جانە 29,7 مىڭ توننا اشىق توپىراقتاعى جانە جابىق توپىراقتاعى كوكونىستەر مەن باقشا ونىمدەرى بار.
شىمكەنت قالاسى اكىمىنىڭ ءباسپاسوز قىزمەتى
