Memleket basshysy Qasym-Jomart Kemeluly bıylǵy Joldaýynda aýylsharýashylyǵy salasyn ekonomıkanyń qozǵaýshy kúshi retinde damytýdy tapsyrǵan bolatyn. Osy maqsatta qalada aýylsharýashylyǵyn damytý boıynsha birqatar aýqymdy jumystar atqarylýda.
Shymkent qalasyndaǵy kúzgi dala jumystary týraly qalalyq aýyl sharýashylyǵy basqarmasy mamandary habarlady. Olardyń aıtýynsha, bıyl josparǵa sáıkes 27 600 gektar aýmaqqa egistik egý jospalanǵan. Qazirgi tańda 27 908,2 gektarǵa egis egilip, jospardan 308,2 gektarǵa artyq oryndalyp otyr. Bul kórsetkish 2019 jylmen salystyrǵanda 1300 gektarǵa artyp otyr.
Onyń ishinde, dándi daqyldardyń egis kólemi – 12 489,1 myń ga, maıly daqyldar – 3 568,3 ga, kókónis pen baqsha – 2566,3 ga, kartop –349,9 ga, malǵa azyq bolar daqyldar – 6 679,5 ga.
Sonymen qatar, agro salany damytý baǵytynda qolǵa alynǵan baǵdarlamalar da óz nátıjesin berip keledi. Sharýalardy janar jaǵar maımen, sýbsıdııamen qamtý isinde de ilgerileýshilik bar. Atap aıtqanda, aýyl sharýashylyǵy taýar óndirýshileriniń kedergisiz ónim jınaý jumystaryn uıymdastyrý maqsatynda, memleket tarapynan jeńildetilgen baǵamen kúzgi dala jumystaryn júrgizýge myń tonna janar – jaǵar maı bólingen (1 lıtr baǵasy -161 teńge). Al sharýalarǵa 89,7 mln. teńgege 1 210 tonna tyńaıtqysh sýbsıdııalandy.
Nátıjesinde aǵymdaǵy josparlanǵan 72 myń tonna aýyl sharýashylyǵy daqyldarynyń 59,3 myń tonnasy búgingi tańda jınaldy. Onyń ishinde 14 myń tonna dándi daqyldar, 2,4 myń tonna maıly daqyldar, 2,4 myń tonna kartop, 10,8 myń tonna mal azyǵy jáne 29,7 myń tonna ashyq topyraqtaǵy jáne jabyq topyraqtaǵy kókónister men baqsha ónimderi bar.
Shymkent qalasy ákiminiń baspasóz qyzmeti
