قىرعىز ۇكىمەتىنىڭ جاڭا باسشىسى سادىر جاپاروۆ پوليتسيا پولكوۆنيگى ۇلان نيازبەكوۆتى ىشكى ىستەر مينيسترلىگىنىڭ باستىعى ەتىپ تاعايىنداپ، ونى دەپارتامەنتتىڭ جەكە قۇرامىنا تانىستىردى،- دەپ حابارلايدى “ادىرنا” ۇلتتىق پورتالى تاسس اقپاراتتىق اگەنتتىگىنە سىلتەمە جاساپ.
بۇل تۋرالى بۇگىن قىرعىز رەسپۋبليكاسىنىڭ ىشكى ىستەر مينيسترلىگىنىڭ سايتىندا حابارلاما جاريالانعان.
حابارلامادا: “بۇگىن، 2020 جىلدىڭ 11 قازانىندا، قىرعىز رەسپۋبليكاسىنىڭ پرەمەر-ءمينيسترى سادىر جاپاروۆ جاڭا ىشكى ىستەر ءمينيسترى پوليتسيا پولكوۆنيگى ۇلان نيازبەكوۆتىڭ جەكە قۇرامىن تانىستىردى”،- دەپ ايتىلعان.
نيازبەكوۆ - قىرعىز ۇلتتىق ۋنيۆەرسيتەتىنىڭ زاڭ فاكۋلتەتىنىڭ تۇلەگى. ول ىشكى ىستەر ورگاندارىنىڭ قۇرىلىمدارىنا جۇمىسقا 2008 جىلى قارجى پوليتسياسىنان كەلگەن. 2010 جىلى ءمينيستردىڭ كومەكشىسى، 2011 جىلى مينيسترلىكتىڭ قارجى-ەكونوميكالىق جۇيەسىنىڭ باسشىسى قىزمەتتەرىن اتقارعان.
10 قازاندا قىرعىز پارلامەنتى كەزەكتەن تىس وتىرىس وتكىزىپ، جاپاروۆتى جاڭا پرەمەر-مينيستر ەتىپ سايلاپ، جاڭا ۇكىمەتتىڭ قۇرامىن، قۇرىلىمى مەن باعدارلاماسىن بەكىتتى.
فوتو اشىق دەرەككوزدەن الىندى
“ادىرنا” ۇلتتىق پورتالى
