سۋرەت جي كومەگىمەن جاسالدى
قازاقستان پرەمەر-ءمينيسترى تۇندە كولىك پەن موتوتسيكلدەن قاتتى شۋ شىعاراتىن جۇرگىزۋشىلەرگە قاتىستى جازانى قاتاڭداتۋدى تاپسىردى، دەپ حابارلايدى “ادىرنا” ءتىلشىسى.
ۇكىمەت وتىرىسىندا پرەمەر-مينيستر ءىىم ەرجان سادەنوۆتەن مۇنداي قۇقىق بۇزۋشىلىقتاردىڭ الدىن الۋ بويىنشا قانداي شارالار قابىلدانىپ جاتقانىن سۇرادى.
«اسىرەسە، تۇنگى ۋاقىتتا قاتتى شۋ شىعاراتىن كولىك پەن موتوتسيكل جۇرگىزۋشىلەرىنە قاتىستى قانداي جۇمىس جۇرگىزىلىپ جاتىر؟ بۇل ماسەلەنى ءبىز بىرنەشە رەت تالقىلادىق. قاتاڭ شارالار قابىلداۋ قاجەت. ويتكەنى ولار تۇندە تۇرعىندارعا كەدەرگى كەلتىرەدى»، – دەدى ولجاس بەكتەنوۆ.
ىشكى ىستەر ءمينيسترىنىڭ مالىمەتىنشە، پوليتسيا بۇل باعىتتا تاۋلىك بويى جۇمىس ىستەيدى. قۇقىق بۇزۋشىلاردى انىقتاۋعا بەينەباقىلاۋ كامەرالارى مەن ازاماتتاردىڭ 102 نومىرىنە حابارلاسۋى كومەكتەسەدى.
«جىل باسىنان بەرى وسىنداي 372 دەرەك تىركەلدى. بارلىق قۇقىق بۇزۋشى اكىمشىلىك جاۋاپكەرشىلىككە تارتىلدى. 55 ادام قاماۋعا الىندى. اۆتوكولىكتەر مەن موتوتسيكلدەر ايىپ تۇراعىنا قويىلادى. بۇل باعىتتاعى جۇمىستى كۇشەيتەمىز»، – دەدى ەرجان سادەنوۆ.
ولجاس بەكتەنوۆ مۇنداي جاعدايلاردا تەك ايىپپۇلمەن شەكتەلمەۋدى ايتتى.
ء«تيىستى تاپسىرما بەرىلدى. مۇنداي جاعدايدا ايىپپۇل قولدانۋمەن شەكتەلمەۋ كەرەك، قۇقىق بۇزۋشىلاردى قاماۋعا الۋ قاجەت»، – دەپ اتاپ ءوتتى پرەمەر-مينيستر.
