الەمنىڭ نازارى قىرعىزستانعا اۋدى. ەسكە سالساق، 4 قازاندا قىرعىزستاندا وتكەن پارلامەنت سايلاۋىنىڭ ناتيجەسىمەن كەلىسپەگەن ازاماتتار بىشكەكتە نارازىلىق اكتسياسىنا شىعىپ، سوڭى جاپپاي تارتىپسىزدىككە ۇلاسقان. نارازى توپ اق ءۇيدى باسىپ العان. ولار سايلاۋ قورىتىندىسىنىڭ كۇشىن جويىپ، جاڭا سايلاۋ وتكىزۋدى تالاپ ەتكەن بولاتىن.
ەلدە توتەنشە جاعداي ورىن الىپ جاتقاندا قىرعىزستاننىڭ قازىرگى پرەزيدەنتى سوورونباي جەەنبەكوۆتىڭ قايدا جۇرگەنى بەلگىلى بولدى. ول تۋرالى پرەزيدەنتتىڭ ءباسپاسوز حاتشىسى تولعوناي ستاماليەۆا مالىمدەدى. ونىڭ ايتۋىنشا، پرەزيدەنت قازىرگى ۋاقىتتا ەل استاناسى بىشكەكتە. - مەملەكەت باسشىسى ساعات تۇنگى ەكىگە دەيىن پارالمەنت عيماراتىنداعى ءوز جۇمىس ورنىندا بولدى. بۇل جەردە بارلىق ساياسي كۇشتەرمەن جەكە اڭگىمەلەسۋلەر وتكىزدى،-دەيدى ت.ستاماليەۆا.
ءباسپاسوز حاتشىسىنىڭ ايتۋىنشا، پرەزيدەنت س.جەەنبەكوۆ «نارازىلىق اكتسياسىن ۇيىمداستىرۋشىلار دۇرىس توقتامعا كەلەتىنىنە سەنەدى».
وسىنىڭ الدىندا نارازى توپ پرالامەنت عيماراتىنىڭ اۋماعىنا باسىپ كىرگەن بولاتىن. وسىدان سوڭ ولار ەلدىڭ بۇرىنعى پرەزيدەنتى المازبەك اتامباەۆ وتىرعان ۇقك تەرگەۋ يزولياتورىنا بارعان.
دۋمان امانجولۇلى.
