Álemniń nazary Qyrǵyzstanǵa aýdy. Eske salsaq, 4 qazanda Qyrǵyzstanda ótken parlament saılaýynyń nátıjesimen kelispegen azamattar Bishkekte narazylyq akııasyna shyǵyp, sońy jappaı tártipsizdikke ulasqan. Narazy top Aq úıdi basyp alǵan. Olar saılaý qorytyndysynyń kúshin joıyp, jańa saılaý ótkizýdi talap etken bolatyn.
Elde tótenshe jaǵdaı oryn alyp jatqanda Qyrǵyzstannyń qazirgi Prezıdenti Sooronbaı Jeenbekovtyń qaıda júrgeni belgili boldy. Ol týraly Prezıdenttiń baspasóz hatshysy Tolǵonaı Stamalıeva málimdedi. Onyń aıtýynsha, Prezıdent qazirgi ýaqytta el astanasy Bishkekte. - Memleket basshysy saǵat túngi ekige deıin Paralment ǵımaratyndaǵy óz jumys ornynda boldy. Bul jerde barlyq saıası kúshtermen jeke áńgimelesýler ótkizdi,-deıdi T.Stamalıeva.
Baspasóz hatshysynyń aıtýynsha, Prezıdent S.Jeenbekov «narazylyq akııasyn uıymdastyrýshylar durys toqtamǵa keletinine senedi».
Osynyń aldynda narazy top Pralament ǵımaratynyń aýmaǵyna basyp kirgen bolatyn. Osydan soń olar eldiń burynǵy prezıdenti Almazbek Atambaev otyrǵan UQK tergeý ızolıatoryna barǵan.
Dýman Amanjoluly.
