Zoom قوسىمشاسى – ونلاين جيىندارعا، كونفەرەنتسيالارعا، ساباق وتۋگە ارنالعان ءتيىمدى سەرۆيستىڭ ءبىر ءتۇرى. كەز كەلگەن ءىس-شارانى وتكىزۋ ءۇشىن ارنايى ورىن دايىنداپ، اۋرە-سارساڭعا سالىنباي-اق، ءبىر عانا تەتىك ارقىلى جۇزدەگەن اداممەن سويلەسىپ، جۇزدەسۋگە تاپتىرماس مۇمكىندىك بەرەدى. سونىمەن قاتار، اتالعان شاراعا بارۋ ءۇشىن كەشىگۋىم مۇمكىن دەگەن سەكىلدى كەدەرگىلەر دە الدىڭىزدان شىقپايدى. ارينە، دامىعان تەحنولوگيانىڭ ارقاسىندا مۇنداي ءتيىمدى قوسىمشانى پايدالانۋ كەرەك. الايدا، ءار نىرسەنىڭ پايداسىمەن قاتار، زيانى قاتار جۇرەتىنى تاعى بار. ال Zoom قوسىمشاسىنىڭ زيانى قانداي؟
قازاقستان مەملەكەتىندە قازىرگى تاڭدا ونلاين كەزدەسۋلەر وتكىزۋ ءۇشىن قولدانىلاتىن اتالعان سەرۆيس ءتۇرى كەڭىنەن تارالعان. ءتىپتى ءار ادامنىڭ قالتا تەلەفونىندا بار دەسەك، قاتەلەسپەيتىنىمىز انىق. الايدا الەم جاڭالىقتارىنا نازار اۋدارار بولساق، بۇل سەرۆيس ءتۇرىن قارا تىزىمگە ەنگىزگەندەر دە بار ەكەن. ماسەلەن، Google مەن اقش سەناتى Zoom قوسىمشاسىن قارا تىزىمگە ەنگىزگەن. قىزمەتكەرلەرىنىڭ قاۋىپسىزدىگىن ويلاعان اقش سەناتى Zoom-مەن ۆيدەوكونفەرەنتسيا وتكىزۋگە تىيىم سالعان. Google كورپوراتسياسى دا ءوز كومپيۋتەرلەرىندە Zoom باعدارلاماسىن بۇعاتتاپ قويعان. بۇل شەشىمنىڭ سەبەبى – قوسىمشانىڭ قاۋىپسىزدىك ساقتاۋداعى وسالدىعى.
«ءبىز ۇزاق ۋاقىت بويى كورپوراتيۆتىك جەلىدەن تىس قىزمەتكەرلەرگە بەكىتىلمەگەن قوسىمشالارمەن جۇمىس ىستەۋگە تىيىم سالاتىن ساياساتتى ۇستانىپ كەلەمىز»، – دەپ مالىمدەمە جاساعان Google وكىلى حوسە كاستانەدا.
بۇدان وزگە دە بىرقاتار الىپ كورپوراتسيالار بۇل قوسىمشانى پايدالانۋدان باس تارتقان. قىزمەتكەرلەرىنە قوسىمشانى پايدالانۋعا تىيىم سالعان العاشقى كومپانيالاردىڭ ءبىرى – SpaceX. ولار بايلانىس ءۇشىن قوسىمشا رەتىندە ەلەكتروندىق پوشتا مەن سمارتفونداعى بەينەقوڭىراۋلاردى قولدانادى. SpaceX عارىش كومپانياسىنان كەيىن ZOOM قوسىمشاسىن پايدالانۋعا NASA دا تىيىم سالعان. ال كومپانيا باسشىسى ەريك يۋان نەگىزگى رەسۋرستاردى تۇراقتى جۇمىس ءۇشىن جۇمساعانىمەن، Zoom قاۋىپسىزدىكتىڭ ءتيىستى دەڭگەيىن قامتاماسىز ەتە الماعانىن ءتۇسىندىردى.
قورىتىندىلاي كەلە، قازىرگى تاڭدا ارينە، Zoom – بايلانىس ءۇشىن تاپتىرماس قوسىمشا. الايدا، ادام ءومىرىنىڭ بارىنەن ماڭىزدى ەكەندىگىن ۇمىتپاعانىمىز ءجون. سونىمەن قاتار تاڭنا كەشكە دەيىن ساباق، جۇمىس، ت.ب قاجەتتىلىكتەرگە بايلانىستى قولداناتىن وتاندىق باعدارلاما ءوز ەلىمىزدە شىقسا نۇر ۇستىنە نۇر بولارى ءسوزسىز.
جانسايا سمان،
«ادىرنا» ۇلتتىق پورتالى
