Zoom qosymshasy – onlaın jıyndarǵa, konferenııalarǵa, sabaq ótýge arnalǵan tıimdi servıstiń bir túri. Kez kelgen is-sharany ótkizý úshin arnaıy oryn daıyndap, áýre-sarsańǵa salynbaı-aq, bir ǵana tetik arqyly júzdegen adammen sóılesip, júzdesýge taptyrmas múmkindik beredi. Sonymen qatar, atalǵan sharaǵa barý úshin keshigýim múmkin degen sekildi kedergiler de aldyńyzdan shyqpaıdy. Árıne, damyǵan tehnologııanyń arqasynda mundaı tıimdi qosymshany paıdalaný kerek. Alaıda, ár nirseniń paıdasymen qatar, zııany qatar júretini taǵy bar. Al Zoom qosymshasynyń zııany qandaı?
Qazaqstan memleketinde qazirgi tańda onlaın kezdesýler ótkizý úshin qoldanylatyn atalǵan servıs túri keńinen taralǵan. Tipti ár adamnyń qalta telefonynda bar desek, qatelespeıtinimiz anyq. Alaıda álem jańalyqtaryna nazar aýdarar bolsaq, bul servıs túrin qara tizimge engizgender de bar eken. Máselen, Google men AQSh senaty Zoom qosymshasyn qara tizimge engizgen. Qyzmetkerleriniń qaýipsizdigin oılaǵan AQSh senaty Zoom-men vıdeokonferenııa ótkizýge tyıym salǵan. Google korporaııasy da óz kompıýterlerinde Zoom baǵdarlamasyn buǵattap qoıǵan. Bul sheshimniń sebebi – qosymshanyń qaýipsizdik saqtaýdaǵy osaldyǵy.
«Biz uzaq ýaqyt boıy korporatıvtik jeliden tys qyzmetkerlerge bekitilmegen qosymshalarmen jumys isteýge tyıym salatyn saıasatty ustanyp kelemiz», – dep málimdeme jasaǵan Google ókili Hose Kastaneda.
Budan ózge de birqatar alyp korporaııalar bul qosymshany paıdalanýdan bas tartqan. Qyzmetkerlerine qosymshany paıdalanýǵa tyıym salǵan alǵashqy kompanııalardyń biri – SpaceX. Olar baılanys úshin qosymsha retinde elektrondyq poshta men smartfondaǵy beıneqońyraýlardy qoldanady. SpaceX ǵarysh kompanııasynan keıin ZOOM qosymshasyn paıdalanýǵa NASA da tyıym salǵan. Al kompanııa basshysy Erık Iýan negizgi resýrstardy turaqty jumys úshin jumsaǵanymen, Zoom qaýipsizdiktiń tıisti deńgeıin qamtamasyz ete almaǵanyn túsindirdi.
Qorytyndylaı kele, qazirgi tańda árıne, Zoom – baılanys úshin taptyrmas qosymsha. Alaıda, adam ómiriniń bárinen mańyzdy ekendigin umytpaǵanymyz jón. Sonymen qatar tańna keshke deıin sabaq, jumys, t.b qajettilikterge baılanysty qoldanatyn otandyq baǵdarlama óz elimizde shyqsa nur ústine nur bolary sózsiz.
Jansaıa Sman,
«Adyrna» ulttyq portaly
