پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق قوعامدىق شتابىنىڭ مۇشەلەرى شىمكەنت قالاسىنىڭ جۇرتشىلىعىمەن، جاس عالىمدارمەن جانە كاسىپورىنداردىڭ ەڭبەك ۇجىمدارىمەن بىرقاتار كەزدەسۋ وتكىزدى.
اقساقالدارمەن، زيالى قاۋىم وكىلدەرىمەن جانە بەلگىلى قوعام قايراتكەرلەرىمەن كەزدەسۋدە كانديداتتىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» سايلاۋالدى باعدارلاماسىنىڭ نەگىزگى باعىتتارى تالقىلاندى.
رەسپۋبليكالىق قوعامدىق شتابتىڭ باسشىسى ەرلان قوشانوۆ اتاپ وتكەندەي، باعدارلامادا ءبىلىم بەرۋ سالاسىن دامىتۋعا ايرىقشا كوڭىل ءبولىنىپ وتىر.
«ادىلەتتى قازاقستاندى قۇرۋدىڭ نەگىزىندە اعارتۋشىلىق قۇندىلىقتار جاتىر. ەلىمىزدە بارلىق بالالار تۇرعىلىقتى جەرى مەن وقۋ تىلىنە قاراماستان، ىرگەلى بىلىمگە جانە جايلى ءبىلىم بەرۋ ينفراقۇرىلىمىنا تەڭدەي قول جەتكىزە الادى. الداعى 7 جىلدا وقۋعا قولايلى جاعدايى بار 1,5 ميلليون وقۋشى ورنى اشىلادى. جىل سايىن شاعىن قالا، اۋدان ورتالىعى مەن اۋىلداردا كەمىندە مىڭنان استام مەكتەپ زامان تالابىنا ساي جاڭارتىلاتىن بولادى»، - دەدى ەرلان قوشانوۆ.
سونىمەن قاتار، روبوتوتەحنيكا، حيميا، بيولوگيا جانە فيزيكا پاندەرىنە ارنالعان كەمىندە 7000 زاماناۋي كابينەت اشىلادى. بالالارعا ارنالعان 50 ساۋىقتىرۋ لاگەرى اشىلادى، ولاردىڭ شىعارماشىلىق جانە زياتكەرلىك الەۋەتىن دامىتۋ ءۇشىن وقۋشىلار سارايى، جاس تەحنيك بەكەتتەرى، بالالار تەحنوپاركى، مۋزىكا جانە ونەر مەكتەپتەرى سىندى كەمىندە 100 جاڭا ءىرى نىسان سالىنادى.
جاس عالىمدار مەن ونەرتاپقىشتارمەن اڭگىمە بارىسىندا توقاەۆتىڭ جاقتاستارى عىلىمدى قولداۋ ماسەلەسىن قوزعادى. ماسەلەن، سايلاۋالدى باعدارلامادا قولدانبالى عىلىمدى قارجىلاندىرۋدى كەزەڭ-كەزەڭىمەن ۇلعايتۋ كوزدەلگەن. گرانتتار ءبولۋ ارقىلى عىلىمي جانە عىلىمي-تەحنيكالىق قىزمەت ناتيجەلەرىن كوممەرتسيالاندىرۋ ءۇشىن جاعداي جاسالادى. سونداي-اق جەتەكشى جوعارى وقۋ ورىندارى مەن ءىرى كاسىپورىنداردىڭ جانىنان مامانداندىرىلعان ينجينيرينگتىك ورتالىقتار قۇرىلادى.
بۇدان سوڭ شتاب مۇشەلەرى «وڭتۇستىك» ارنايى ەكونوميكالىق ايماعى كاسىپورىندارىنىڭ قىزمەتكەرلەرىمەن كەزدەستى. جۇزدەسۋدە قاسىم-جومارت توقاەۆتىڭ سايلاۋالدى باعدارلاماسىندا كورسەتىلگەن شاعىن جانە ورتا بيزنەستى قولداۋ جانە قىزمەتكەرلەردىڭ ەڭبەك قۇقىقتارىن قورعاۋ ماسەلەلەرى تۋرالى ايتىلدى.
جالپى، شاعىن جانە ورتا بيزنەستە جۇمىسپەن قامتىلعاندار سانىنىڭ 4,7 ميلليونعا دەيىن ءوسۋىن قامتاماسىز ەتۋ جوسپارلانۋدا. كاسىپكەرلەردىڭ ءوز قىزمەتكەرلەرىنىڭ جالاقىسىن كوتەرۋى جانە ولاردىڭ ەڭبەك جاعدايلارىن جاقسارتۋى بيزنەستى مەملەكەتتىك قولداۋ شارتتارىنىڭ ءبىرى بولادى.
دايىنداعان: رەسپۋبليكالىق قوعامدىق شتاب استانا قالاسى، قوناەۆ 12/1.
تاپسىرىس بەرۋشى: م.ج. وسپانوۆ. قازاقستان رەسپۋبليكاسى پرەزيدەنتتىگىنە ۇمىتكەر ق.ك.توقاەۆتىڭ سايلاۋ قورىنان تولەندى.
