اننا دانچەنكو: قازاق ءتىلىن بىلمەيتىندەردىڭ جالاقىسىن قىسقارتۋ كەرەك

4431
Adyrna.kz Telegram

بەلگىلى تەلەجۇرگىزۋشى اننا دانچەنكو Instagram جەلىسىندەگى رەسمي پاراقشاسىندا قازاق ءتىلىنىنىڭ مارتەبەسىن ارتتىرۋ جولىن ۇسىندى.

«ورىس ءتىلىنىڭ (قر كونستيتۋتسياسىنىڭ 7-بابى) رەسمي ءتىل ەكەنى جونىندەگى تۇسىنىكتەمەنى الىپ تاستاسا دەيمىن. ماسەلەن، مەن قازاقشا بىلمەيمىن دەيىك. جۇمىس بەرۋشىنىڭ باستى تالابى – قازاق ءتىلىن ءبىلۋ مىندەتتى ەكەنى ايتىلسا، زاڭ تالابىنا سايكەس قازاق ءتىلىن بىلمەيتىندەردىڭ جالاقىسىن 30 پايىزعا دەيىن قىسقارتسا، ءسىز كەلىسسەڭىز دە، كەلىسپەسەڭىز دە سونداي زاڭ سولاي بولادى».

دانچەنكونىڭ ايتۋى بويىنشا، بۇل ناتيجەلى ءتاسىل بولماق.

«ەشكىم جالاقىسىنىڭ قىسقارعانىن قالامايدى. جۇمىسشى اقشا كەرەك بولعاندىقتان قازاق ءتىلىن ۇيرەنەدى. ول اقشا جەردە شاشىلىپ جاتقان جوق. ادامدارعا وسىلاي ساباق بەرۋ كەرەك. ەگەر بۇل ەلدە قازاق ءتىلىنىڭ دامىعانىن قالاساق، ءاربىر ازاماتتىڭ قازاقشا سويلەگەنىن قالاساق، زاڭ تۇرعىسىندا وسىنداي تالاپ قويۋ كەرەك. ادامدار قورقىتقاندا عانا، وزىنە قولايلى ەمەس بولعاندا عانا، ماقساتىنا جەتەدى»، – دەپ تەلەجۇرگىزۋشى ءسوزىن قورىتىندىلادى.

ەستەرىڭىزگە سالا كەتەيىك، بۇعان دەيىن دانچەنكو انا تىلىندە ەكى ءسوزدىڭ باسىن قۇراي المايتىن شەنەۋنىكتەردى كورگەندە قاتتى ۇيالاتىنىن جەتكىزگەن بولاتىن.

«ادىرنا» ۇلتتىق پورتالى

پىكىرلەر