Belgili telejúrgizýshi Anna Danchenko Instagram jelisindegi resmı paraqshasynda qazaq tilininiń mártebesin arttyrý jolyn usyndy.
«Orys tiliniń (QR Konstıtýııasynyń 7-baby) resmı til ekeni jónindegi túsiniktemeni alyp tastasa deımin. Máselen, men qazaqsha bilmeımin deıik. Jumys berýshiniń basty talaby – qazaq tilin bilý mindetti ekeni aıtylsa, Zań talabyna sáıkes qazaq tilin bilmeıtinderdiń jalaqysyn 30 paıyzǵa deıin qysqartsa, Siz kelisseńiz de, kelispeseńiz de sondaı zań solaı bolady».
Danchenkonyń aıtýy boıynsha, bul nátıjeli tásil bolmaq.
«Eshkim jalaqysynyń qysqarǵanyn qalamaıdy. Jumysshy aqsha kerek bolǵandyqtan qazaq tilin úırenedi. Ol aqsha jerde shashylyp jatqan joq. Adamdarǵa osylaı sabaq berý kerek. Eger bul elde qazaq tiliniń damyǵanyn qalasaq, árbir azamattyń qazaqsha sóılegenin qalasaq, zań turǵysynda osyndaı talap qoıý kerek. Adamdar qorqytqanda ǵana, ózine qolaıly emes bolǵanda ǵana, maqsatyna jetedi», – dep telejúrgizýshi sózin qorytyndylady.
Esterińizge sala keteıik, buǵan deıin Danchenko ana tilinde eki sózdiń basyn quraı almaıtyn sheneýnikterdi kórgende qatty uıalatynyn jetkizgen bolatyn.
«Adyrna» ulttyq portaly
