كرەملدە تاۋلى قاراباحتاعى جاعدايعا بايلانىستى پىكىر ايتىلدى دەپ حابارلايدى «ادىرنا» ۇلتتىق پورتالى rueconomiks.ru اگەنتتىگىنە سىلتەمە جاساپ.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ سوعىس ارەكەتتەرى دەرەۋ توقتاتىلىپ، ماسەلەنى رەتتەۋ پروتسەسى ساياسي ديپلوماتيالىق تۇرعىدان جۇرگىزىلۋى كەرەك ەكەنىن مالىمدەدى. سونىمەن قاتار پەسكوۆ رەسەي سىرتقى ىستەر ءمينيسترى ء(سىم) سەرگەي لاۆروۆتىڭ ارمەنيا مەن ازەربايجان ءسىم-مەن سويلەسكەنىن جانە ارمەنيا ءسىم نيكول پاشينياننىڭ پۋتينگە حابارلاسقانىن دا جەتكىزدى.
رەسەي ەقىۇ-دا مينسكىمەن تەڭ توراعا جانە شيەلەنىستى رەتتەۋشى ارااعايىن ەكەنىن ەسكە سالىپ وتكەن پەسكوۆ كرەمل ءوزىنىڭ وسى ۋاكىلەتىن پايدالانىپ، ازەربايجان مەن ارمەنيا اراسىنداعى جاعدايدىڭ شەشىمىن تابۋىنا ىقپال ەتەدى دەپ ۇمىتتەنەدى.
«كەشە انكارا ءسىم وكىلدەرىمەن بايلانىس جاسالدى. سوندىقتان دا بۇل ماسەلەدە رەسەيلىك تاراپ بارىمەن دە تىكەلەي بايلانىستا»، -دەدى پەسكوۆ.
«ءدال قازىر كىم كىنالى، كىم كىناسىز ەكەنىن انىقتايتىن ۋاقىت ەمەس. اسكەري جاعدايدى توقتاتۋ كەرەك» - دەپ ءوزىنىڭ الەۋمەتتىك پاراقشاسىندا جازعان پەسكوۆقا «تاۋلى قاراباحتاعى جاعداي بەلارۋس ماسەلەسىن شەشۋ ءۇشىن رەسەيدى ارانداتۋ ماقساتىندا ناۆالنىيدىڭ جاساپ وتىرعان ارەكەتى ەمەس پە؟» دەگەن سۇراق قويىلدى.
بۇل سۇراققا ءباسپاسوز حاتشىسى: «بۇلاي بولۋى مۇمكىن دەپ ويلامايمىن»،- دەپ كەسىپ جاۋاپ بەردى.
فوتو اشىق دەرەككوزدەن الىندى.
