Kremlde Taýly Qarabahtaǵy jaǵdaıǵa baılanysty pikir aıtyldy dep habarlaıdy «Adyrna» ulttyq portaly rueconomiks.ru agenttigine silteme jasap.
Reseı prezıdentiniń baspasóz hatshysy Dmıtrıı PESKOV soǵys áreketteri dereý toqtatylyp, máseleni retteý proesi saıası dıplomatııalyq turǵydan júrgizilýi kerek ekenin málimdedi. Sonymen qatar Peskov Reseı Syrtqy ister mınıstri (SIM) Sergeı LAVROVTYŃ Armenııa men Ázerbaıjan SIM-men sóıleskenin jáne Armenııa SIM Nıkol Pashınıannyń Pýtınge habarlasqanyn da jetkizdi.
Reseı EQYU-da Mınskimen teń tóraǵa jáne shıelenisti retteýshi araaǵaıyn ekenin eske salyp ótken Peskov Kreml óziniń osy ýákiletin paıdalanyp, Ázerbaıjan men Armenııa arasyndaǵy jaǵdaıdyń sheshimin tabýyna yqpal etedi dep úmittenedi.
«Keshe Ankara SIM ókilderimen baılanys jasaldy. Sondyqtan da bul máselede reseılik tarap bárimen de tikeleı baılanysta», -dedi Peskov.
«Dál qazir kim kináli, kim kinásiz ekenin anyqtaıtyn ýaqyt emes. Áskerı jaǵdaıdy toqtatý kerek» - dep óziniń áleýmettik paraqshasynda jazǵan Peskovqa «taýly Qarabahtaǵy jaǵdaı Belarýs máselesin sheshý úshin Reseıdi arandatý maqsatynda Navalnyıdyń jasap otyrǵan áreketi emes pe?» degen suraq qoıyldy.
Bul suraqqa baspasóz hatshysy: «Bulaı bolýy múmkin dep oılamaımyn»,- dep kesip jaýap berdi.
Foto ashyq derekkózden alyndy.
