قازاقستاندىقتار كريپتوۆاليۋتانى زاڭدى تۇردە ساتىپ الىپ، ساتا الادى

16833
Adyrna.kz Telegram

پرەزيدەنت قاسىم-جومارت توقاەۆتىڭ باستاماسىمەن كريپتويندۋستريا جوبالارىن دامىتۋعا پارمەن بەرىلدى. بۇگىن ول Digital Bridge-2022 تسيفرلىق تەحنولوگيالار جانە بيزنەس فورۋمىندا قازاقستاننىڭ Intebix بيرجاسى مەن ەۋرازيالىق بانكتىڭ بىرلەسكەن ستەندىمەن تانىسىپ، العاشقى كريپتوۆاليۋتالىق وپەراتسيانىڭ جۇرگىزىلگەنى تۋرالى ەسەپتى مۇقيات تىڭدادى.

بۇل جايت قازاقستاندىقتار ءۇشىن كريپتوۆاليۋتانى تەڭگەگە زاڭدى تۇردە ساتىپ الۋ مۇمكىندىگىن ۇسىندى، ونىڭ ۇستىنە ەۋرازيالىق بانك دەربەس باعدارلاماسىنىڭ ارقاسىندا وسىنداي وپەراتسيا ءۇشىن الەمدەگى ەڭ تومەن كوميسسيالاردىڭ ءبىرىن بەلگىلەدى.

"بۇل بۇكىل ەۋرازيا قۇرلىعىنداعى تۇڭعىش كريپتوفياتتىق كريپتوبيرجا-بانك-كليەنت وپەراتسياسى بولىپ تابىلادى", — دەپ حابارلادى پرەزيدەنتكە Intebix بيرجاسىنىڭ ديرەكتورى تالعات دوسانوۆ.

2022 جىلعى 23 مامىردا قرۇب، قنررا، احقو، ءتسدياوم قازاقستان اۋماعىندا بەلگىلى ءبىر شارتتاردى ساقتاي وتىرىپ، كريپتوۆاليۋتالارمەن وپەراتسيالار جۇرگىزۋگە رۇقسات بەرەتىن پيلوتتىق قاعيدالاردى بەكىتتى. پيلوتتىق جوباعا قاتىسۋ ءۇشىن بيرجالار ليتسەنزيا الۋى، ال بانكتەر قوسىلاتىنى تۋرالى مالىمدەۋلەرى ءتيىس. رەتتەۋشى بازا ترانزاكتسيالار مەن كليەنتتىك قۇرالداردىڭ قاۋىپسىزدىگىنە ءتيىستى باقىلاۋ جۇرگىزۋدى قامتاماسىز ەتە الاتىن ەڭ وزىق الەمدىك ستاندارتتارعا سايكەس ازىرلەندى.

تەڭگەگە كريپتوۆاليۋتا ساتىپ الۋ پروتسەسىن تانىستىرۋ بارىسىندا ەۋرازيالىق بانك جىل سوڭىنا دەيىن قازاقستاندا كريپتوكارتا شىعارۋدى جوسپارلاعانىن جاريالادى. سول كەزدە قازاقستاندىقتار دۇكەندەردە ساۋدانىڭ اقىسىن كريپتوكارتامەن تولەۋگە مۇمكىندىك الادى. وپەراتسياعا تولەم Intebix كريپتوبيرجاسىنداعى كليەنتتىڭ شوتىمەن بايلانىستىرىلعان شوتتان تەڭگەمەن الىناتىن بولادى. قازىرگى ۋاقىتتا ەۋرازيالىق بانك كارتانى شىعارۋ ءراسىمىن جاساقتادى جانە بارلىق ىقتيمال تاۋەكەلدەردى پىسىقتاۋ ءۇشىن ۇلتتىق بانكپەن سىندارلى ديالوگ جۇرگىزىلۋدە.

ەۋرازيالىق بانك كريپتوۆاليۋتامەن العاشقى زاڭدى جانە جاريا مامىلەنى جاسادى. بۇل رەتتەۋشى مەن بيزنەس جۇمىسىنىڭ بىرلەسكەن ناتيجەسى. بانك كليەنتتەر كريپتوۆاليۋتا ساتىپ الاتىن بيرجاعا تەڭگەنى كىرگىزۋ مەن شىعارۋ پروتسەسىن نەبارى ءتورت ايدىڭ ىشىندە ازىرلەدى.

الەمدە كريپتوبيرجالاردىڭ كوبى تولەم اگەنتتەرىمەن جۇمىس ىستەيدى، ولار رەتتەۋشىلەر ءۇشىن جابىق، ال كليەنتتەر ءۇشىن قىمبات: بارلىق جۇمىس بانكتىڭ اقپاراتتىق جۇيەلەرىندە جۇرگىزىلەتىندىكتەن، بانك تولىق اشىقتىقتى عانا ەمەس، سونىمەن قاتار كليەنتتەر ءۇشىن ەڭ قولايلى جاعدايلاردى دا قامتاماسىز ەتە الدى.

Intebix — قازاقستاندا قۇرىلعان، قر-دا جۇمىس ىستەۋگە ليتسەنزيا العان جانە بارلىق زاڭنامالىق تالاپتارعا سايكەس كەلەتىن ۆيرتۋالدى ۆاليۋتالار بيرجاسى. Biteeu برەندىنىڭ اتىنا ەۋروپالىق وداق پەن اۆستراليادا العان ليتسەنزيالارى بار.
ەۋرازيالىق بانك — قازاقستاندىق بانكتەردىڭ ىشىندە اكتيۆتەرى جونىنەن جەتىنشى ورىنداعى الەۋمەتتىك ماڭىزدى قارجى ينستيتۋتى.

بولشەك بانكينگ نارىعىندا جەتەكشى ورىندا تۇرعان بانك كورپوراتيۆتىك كليەنتتەرى مەن شوب سۋبەكتىلەرىنە قىزمەتتەردىڭ كەڭ سپەكترىن ۇسىنادى. بانكتىڭ Moody's شكالاسى بويىنشا ۆ2 رەيتينگى 2022 جىلعى 12 ساۋىردە "تۇراقتى" دەگەن باعامەن راستالدى. بانك ERG توبىنىڭ (مينەرالدىق رەسۋرستاردى ءوندىرۋ مەن وڭدەۋ سالاسىنداعى الەمدەگى ەڭ ءىرى كومپانيالاردىڭ ءبىرى) ەكوجۇيەسىنە جاتادى.

ايتا كەتەيىك، قر قارجى نارىعىن رەتتەۋ جانە دامىتۋ اگەنتتىگى 2020 جىلعى 3 اقپانىندا  № 1.2.68/242/40 ليتسەنزياسىن بەرگەن بولاتىن.

”ادىرنا” ۇلتتىق پورتالى

پىكىرلەر