بۇل جونىندە قالالىق قۇرىلىس باسقارماسى مالىمدەدى. اعىمداعى جىلدىڭ 7 ايدىڭ قورىتىندىسىمەن 1 416 پاتەرلى 20 كرەديتتىك تۇرعىن ءۇي پايدالانۋعا تاپسىرىلدى. ونىڭ ىشىندە، 8– اكىمشىلىك-ىسكەرلىك ورتالىعىندا، 12 – شىمكەنت سيتي شاعىن اۋدانىندا ورنالاسقان.
تامىز ايىندا شىمكەنت سيتي شاعىن اۋدانىندا 10,5 مىڭ شارشى مەتردى قۇرايتىن 160 پاتەرلى 4 ءۇي تاپسىرىلادى دەپ جوسپارلانۋدا.
بيىل جالپى 612 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. اتقارىلعان جۇمىستاردىڭ ناتيجەسىندە جەتى ايدا پايدالانۋعا تاپسىرىلعان تۇرعىن ۇيلەردىڭ جالپى اۋدانى 299,86 مىڭ شارشى مەترگە جەتىپ، وتكەن جىلدىڭ سايكەس كەزەڭىمەن سالىستىرعاندا قۇرىلىس كولەمى 1,6 ەسەگە ارتتى.
«نۇرلى جەر» مەملەكەتتىك باعدارلاماسىمەن اۋدانى 1 ملن. شارشى مەتر 262 كوپقاباتتى تۇرعىن ءۇي سالىنۋدا. ونىڭ ىشىندە، قۇرىلىس باسقارماسى ارقىلى بيۋدجەت ەسەبىنەن 92 تۇرعىن ءۇي قۇرىلىسى ءجۇرىپ جاتىر.
ايتا ءوتۋ قاجەت، تۇرعىن ءۇي قۇرىلىسى 2 باعىتتا، ياعني كرەديتتتىك جانە ارەندالىق تۇردە ىسكە اسىرىلىپ جاتىر.
سونىمەن، اكىمشىلىك-ىسكەرلىك ورتالىعىندا، شىمكەنت سيتي جانە تۇران شاعىن اۋداندارىندا 80 كرەديتتىك تۇرعىن ءۇيدىڭ قۇرىلىسى جۇرگىزىلۋدە. بيىل 51 كرەديتتىك تۇرعىن ءۇي تۇرعىندار يگىلىگىنە ۇسىنىلادى. ناتيجەسىندە، 3 284 ازامات قول جەتىمدى باعامەن باسپانا ساتىپ الاتىن بولادى.
سونداي-اق، 12 ارەندالىق تۇرعىن ءۇي سالىنۋدا: 8 – اكىمشىلىك-ىسكەرلىك ورتالىعىندا، 4 – تۇران شاعىن اۋدانىندا. وسى جىلى 448 پاتەرلى 8 ءۇي پايدالانۋعا بەرىلەدى.
باسقارما ماماندارىنىڭ سوزىنشە، بۇدان بولەك نارىقتان 696 پاتەر ساتىپ الىنادى. ناتيجەسىندە، پاتەر كەزەگىندە تۇرعان 1 144 ازامات ارەندالىق پاتەرگە يە بولادى. ونىڭ ىشىندە كوپبالالى وتباسىلار - 450, الەۋمەتتىك وسال توپتار – 394 جانە 300 جۇمىس جاساۋشى جاستارعا بەرىلەدى.
شىمكەنت قالاسى اكىمىنىڭ ءباسپاسوز قىزمەتى
