Bul jóninde qalalyq qurylys basqarmasy málimdedi. Aǵymdaǵy jyldyń 7 aıdyń qorytyndysymen 1 416 páterli 20 kredıttik turǵyn úı paıdalanýǵa tapsyryldy. Onyń ishinde, 8– ákimshilik-iskerlik ortalyǵynda, 12 – Shymkent sıtı shaǵyn aýdanynda ornalasqan.
Tamyz aıynda Shymkent sıtı shaǵyn aýdanynda 10,5 myń sharshy metrdi quraıtyn 160 páterli 4 úı tapsyrylady dep josparlanýda.
Bıyl jalpy 612 myń sharshy metr turǵyn úıdi paıdalanýǵa berý josparlanǵan. Atqarylǵan jumystardyń nátıjesinde jeti aıda paıdalanýǵa tapsyrylǵan turǵyn úılerdiń jalpy aýdany 299,86 myń sharshy metrge jetip, ótken jyldyń sáıkes kezeńimen salystyrǵanda qurylys kólemi 1,6 esege artty.
«Nurly jer» memlekettik baǵdarlamasymen aýdany 1 mln. sharshy metr 262 kópqabatty turǵyn úı salynýda. Onyń ishinde, qurylys basqarmasy arqyly bıýdjet esebinen 92 turǵyn úı qurylysy júrip jatyr.
Aıta ótý qajet, turǵyn úı qurylysy 2 baǵytta, ıaǵnı kredıtttik jáne arendalyq túrde iske asyrylyp jatyr.
Sonymen, Ákimshilik-iskerlik ortalyǵynda, Shymkent sıtı jáne Turan shaǵyn aýdandarynda 80 kredıttik turǵyn úıdiń qurylysy júrgizilýde. Bıyl 51 kredıttik turǵyn úı turǵyndar ıgiligine usynylady. Nátıjesinde, 3 284 azamat qol jetimdi baǵamen baspana satyp alatyn bolady.
Sondaı-aq, 12 arendalyq turǵyn úı salynýda: 8 – ákimshilik-iskerlik ortalyǵynda, 4 – Turan shaǵyn aýdanynda. Osy jyly 448 páterli 8 úı paıdalanýǵa beriledi.
Basqarma mamandarynyń sózinshe, budan bólek naryqtan 696 páter satyp alynady. Nátıjesinde, páter kezeginde turǵan 1 144 azamat arendalyq páterge ıe bolady. Onyń ishinde kópbalaly otbasylar - 450, áleýmettik osal toptar – 394 jáne 300 jumys jasaýshy jastarǵa beriledi.
Shymkent qalasy ákiminiń baspasóz qyzmeti
