2020 جىلدىڭ 27 شىلدەسىندە تۇركىستان قالالىق سوتىنىڭ ۇكىمىمەن تۇركىستان وبلىسى مادەنيەت باسقارماسىنىڭ باسشىسى ن.ە. يسابەك پەن وسى باسقارمانىڭ ءبولىم باسشىسى د. ابدۋللاەۆاتىڭ ارقايسىسى 7 جىلعا باس بوستاندىعىنان ايىرىلدى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى حابارلادى.
ن. يسابەك تۇركىستان وبلىسىنىڭ «وبلىستىق تاريحي-ولكەتانۋ مۇراجايى» مقكك-عا باسشى لاۋازىمىنا تاعايىنداۋ ءۇشىن دەلدال د. ابدۋللاەۆادان 700 000 تەڭگە پارا الدى دەگەن كۇدىكپەن ۇستالدى.
نۇرداۋلەت ەركىنۇلى يسابەك 2019 جىلدىڭ 7 اقپانىندا تۇركىستان وبلىسى مادەنيەت جانە تىلدەردى دامىتۋ باسقارماسىنىڭ باسشىسى بولىپ تاعايىندالعان بولاتىن.
نۇرداۋلەت ەركىنۇلى 1974 جىلى 29 تامىزدا الماتى وبلىسى جامبىل اۋدانىنا قاراستى سۇرانشى باتىر اتىنداعى اۋىلدا تۋعان.
“ادىرنا” ۇلتتىق پورتالى
