2020 jyldyŋ 27 şıldesınde Türkıstan qalalyq sotynyŋ ükımımen Türkıstan oblysy Mädeniet basqarmasynyŋ basşysy N.E. İsabek pen osy basqarmanyŋ bölım basşysy D. Abdullaevatyŋ ärqaisysy 7 jylǧa bas bostandyǧynan aiyryldy. Būl turaly QR Sybailas jemqorlyqqa qarsy ıs-qimyl agenttıgınıŋ baspasöz qyzmetı habarlady.
N. İsabek Türkıstan oblysynyŋ «Oblystyq tarihi-ölketanu mūrajaiy» MQKK-ǧa basşy lauazymyna taǧaiyndau üşın deldal D. Abdullaevadan 700 000 teŋge para aldy degen küdıkpen ūstaldy.
Nūrdäulet Erkınūly İsabek 2019 jyldyŋ 7 aqpanynda Türkıstan oblysy Mädeniet jäne tılderdı damytu basqarmasynyŋ basşysy bolyp taǧaiyndalǧan bolatyn.
Nūrdäulet Erkınūly 1974 jyly 29 tamyzda Almaty oblysy Jambyl audanyna qarasty Sūranşy batyr atyndaǧy auylda tuǧan.
“Adyrna” ūlttyq portaly
