ءبىزدىڭ ەلشىلەر قازاقشا بىلە مە؟

625

ەلشىلىك دەگەن – ءبىر ەلدەگى ءبىزدىڭ ەلدىڭ كىشكەنتاي عانا كوشىرمەسى سياقتى. امەريكاداعى قازاقستان ەلشىلىگىندە بولعان جاعداي ەكەن مىناۋ. سوندا تۇراتىن (وقيتىن، جۇمىس ىستەيتىن) گۇلنار دەيتىن قارىنداسىمىز جازىپتى. مەملەكەتتىك ءتىلدى مەنسىنبەۋ مەن بىزدەگى بىلىقتىڭ ءبارى بۇلاردا دا بار. سوناۋ امەريكادا جۇرگەن كەزدە ەلشىلىكتەن ءبىر ءپاتريوتيزمدى، وتانشىلدىقتى، ىستىق ىقىلاستى كورگىسى كەلەدى ادام. الىپ-ۇشىپ ەلشىلىككە كەلگەن قانداستارىمىز ونىڭ ورنىنا ورىسقۇل پسيحولوگيانى، ەلشىلىكتەگىلەردىڭ ءوز ءتىلىن مەنسىنبەي تۇرعان دۇمبىلەز، قۇلدىق مىنەزىن كورگەندە تاۋى شاعىلىپ قايتاتىن شىعار. ەلشىلىكتەگى جاعدايعا قاراپ، قازاقستاندى كورگەندەي بولاسىڭ. ادامنىڭ قاراداي جىنى كەلەدى ەكەن:

ءبۇي دەپ جازىپتى گۇلنار:

«سالەم بارىڭىزگە! بۇگىن ۆاشينگتونداعى ەلشىلىككە حابارلاستىم. جاۋاپتارى تاڭ قالدىردى. ەكىنشى رەت رەيسىمدى توقتاتقان سوڭ اقپارات الايىن دەپ تەلەفون شالدىم. قاي ەلدەر ارقىلى قازاقستانعا جەتۋگە بولادى، قاي ەلدەرمەن اۋە رەيستەرى اشىق دەپ ءبىر عانا سۇراق قويدىم. سونىڭ وزىنە ەشبىر اقپارات بەرە المادى. امەريكاداعى ءبىر تۋر اگەنتتىكتىڭ اتىن بەرىپ، سولاردان اقپارات الىڭىز دەدى. قازاقشا امانداسىپ ەدىم، ورىسشا جاۋاپ الدىم. قىسقا اڭگىمەمىز ورىسشا بولدى. ءوزى قازاق، ارينە، اتى ءجونىن جازباي-اق قويايىن. سوندا ەلشىلىكتىڭ امەريكاداعى قازاقستاندىقتارعا ءدال قازىرگى COVID-19 جاعدايىندا كەڭەستىك (كونسۋلتاتيۆتى) كومەگى (باسقا كومەكتى سۇراماي-اق قويايىن) قانداي؟!»

جولىمبەت ماكىش

پىكىرلەر
رەداكتسيا تاڭداۋى