Bizdiń elshiler qazaqsha bile me?

624

Elshilik degen – bir eldegi bizdiń eldiń kishkentaı ǵana kóshirmesi sııaqty. Amerıkadaǵy Qazaqstan elshiliginde bolǵan jaǵdaı eken mynaý. Sonda turatyn (oqıtyn, jumys isteıtin) Gúlnár deıtin qaryndasymyz jazypty. Memlekettik tildi mensinbeý men bizdegi bylyqtyń bári bularda da bar. Sonaý Amerıkada júrgen kezde elshilikten bir patrıotızmdi, otanshyldyqty, ystyq yqylasty kórgisi keledi adam. Alyp-ushyp elshilikke kelgen qandastarymyz onyń ornyna orysqul psıhologııany, elshiliktegilerdiń óz tilin mensinbeı turǵan dúmbilez, quldyq minezin kórgende taýy shaǵylyp qaıtatyn shyǵar. Elshiliktegi jaǵdaıǵa qarap, Qazaqstandy kórgendeı bolasyń. Adamnyń qaradaı jyny keledi eken:

Búı dep jazypty Gúlnár:

«Sálem bárińizge! Búgin Vashıngtondaǵy elshilikke habarlastym. Jaýaptary tań qaldyrdy. Ekinshi ret reısimdi toqtatqan soń aqparat alaıyn dep telefon shaldym. Qaı elder arqyly Qazaqstanǵa jetýge bolady, qaı eldermen áýe reısteri ashyq dep bir ǵana suraq qoıdym. Sonyń ózine eshbir aqparat bere almady. Amerıkadaǵy bir týr agenttiktiń atyn berip, solardan aqparat alyńyz dedi. Qazaqsha amandasyp edim, oryssha jaýap aldym. Qysqa áńgimemiz oryssha boldy. Ózi qazaq, árıne, aty jónin jazbaı-aq qoıaıyn. Sonda elshiliktiń Amerıkadaǵy qazaqstandyqtarǵa dál qazirgi COVID-19 jaǵdaıynda keńestik (konsýltatıvti) kómegi (basqa kómekti suramaı-aq qoıaıyn) qandaı?!»

Jolymbet Mákish

Pikirler
Redakııa tańdaýy