اقش اسكەرىنىڭ ۇشتەن بىرىنەن استامىنگەرمانيادان شىعارۋ شەشىمءى دونالد ترامپتىڭ ۆلاديمير پۋتينگە جاساعان «سوڭعى سىيلىعى» بولۋى مۇمكىن. اتالعان پىكىردى CNN ساراپشىسى نيك روبەرتسون ءبىلدىردى دەپ حابارلايدى، lenta.ru.
ساراپشىنىڭ پىكىرىنشە، اقش باسشىسىنىڭ نەگىزگى گەوساياسي قارسىلاسىنا جاسالار سىيلىقتارى وكىلەتتەلىگى اياقتالعانشا توقتامايدى. نيك روبەرتسون ەۋروپالىق قولباسشىلىقتاعى اسكەرلەردى كوشىرۋ ۇلكەن قاتەلىك دەپ سانايدى.
ونىڭ حابارلاۋىنشا، ترامپقا شەشىم شىعارۋداازداعان سەكۋندتار عانا جەتكىلىكتى بولعان، الايدا بۇل ماسەلە بويىنشا اسكەري وداققا كەلتىرەر شىعىننىڭ ورنىن تولتىرۋ ءۇشىن بىرنەشە جىل قاجەت بولۋى مۇمكىن.
بۇعان دەيىن ترامپ گەرمانيانى رەسەيدەن قورعاۋ قاجەت دەگەن ماسەلەگە كۇمانمەن قاراعان بولاتىن. ونىڭ سوزىنشە، بەرلين ەنەرگيا كوزى ءۇشىن جىل سايىن ماسكەۋگە ميللياردتاعان دوللار تولەيتىنىن ەسكەرسەك، اتالعان دۇنيە تۋرالى ايتۋدىڭ ءوزى ابەستىك دەيدى. سونىمەن قاتار، اقش باسشىسى گفر جارناعا جۇمسالاتىن بيۋدجەت قاراجاتىن ناتو-عا تولەۋگە اسىقپايتىنىن دا تىلگە تيەك ەتتى.
ايتا كەتەتىن جايت، 29 شىلدە كۇنى اقش قورعانىس ءمينيسترى مارك ەسپەر پەنتاگون گەرمانيادان 11,9 مىڭعا جۋىق اسكەري قىزمەتشىلەردى شىعاراتىنىن، سونداي-اق اقش قارۋلى كۇشتەرىنىڭ ەۋروپالىق قولباسشىلىعىنىڭ شتابىن بەلگياعا كوشىرەتىنىن حابارلاعان بولاتىن.
«ادىرنا» ۇلتتىق پورتالى
