AQSh-ta Tramptyń Pýtınge jasalar «sońǵy syılyǵy» ataldy

3362
Adyrna.kz Telegram

AQSh áskeriniń úshten birinen astamynGermanııadan shyǵarý sheshimi Donald Tramptyń Vladımır Pýtınge jasaǵan «sońǵy syılyǵy» bolýy múmkin. Atalǵan pikirdi CNN sarapshysy Nık Robertson bildirdi dep habarlaıdy, lenta.ru.

Sarapshynyń pikirinshe, AQSh basshysynyń negizgi geosaıası qarsylasyna jasalar syılyqtary ókiletteligi aıaqtalǵansha toqtamaıdy. Nık Robertson eýropalyq qolbasshylyqtaǵy áskerlerdi kóshirý úlken qatelik dep sanaıdy.

 Onyń habarlaýynsha, Trampqa sheshim shyǵarýdaazdaǵan sekýndtar ǵana jetkilikti bolǵan, alaıda bul másele boıynsha áskerı odaqqa keltirer shyǵynnyń ornyn toltyrý úshin birneshe jyl qajet bolýy múmkin.

 Buǵan deıin Tramp Germanııany Reseıden qorǵaý qajet degen máselege kúmánmen qaraǵan bolatyn. Onyń sózinshe, Berlın energııa kózi úshin jyl saıyn Máskeýge mıllıardtaǵan dollar tóleıtinin eskersek, atalǵan dúnıe týraly aıtýdyń ózi ábestik deıdi. Sonymen qatar, AQSh basshysy GFR jarnaǵa jumsalatyn bıýdjet qarajatyn NATO-ǵa tóleýge asyqpaıtynyn da tilge tıek etti.

 Aıta ketetin jaıt, 29 shilde kúni AQSh Qorǵanys mınıstri Mark Esper Pentagon Germanııadan 11,9 myńǵa jýyq áskerı qyzmetshilerdi shyǵaratynyn, sondaı-aq AQSh Qarýly Kúshteriniń Eýropalyq qolbasshylyǵynyń shtabyn Belgııaǵa kóshiretinin habarlaǵan bolatyn.

«Adyrna»  ulttyq portaly

Pikirler