بيىل قاسيەتتى قۇربان ايت مەرەكەسى 31 شىلدە مەن 1-2 تامىز كۇندەرىنە سايكەس كەلەدى.
وسى ورايدا، شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس، قالا اۋماعىندا مال سويۋدى ۇيىمداستىرۋعا، اۆتوكولىكتەردە جانە جەكە ءۇي يەلىكتەرىندە مال ساتۋعا تىيىم سالىنادى. سونداي-اق، مال سويۋ تسەحتارىنىڭ جانە مال ساتۋ بازارلارىنىڭ جۇمىسى توقتاتىلادى.
ازاماتتاردىڭ قۇلشىلىق امالعا دەگەن نيەتىن ورىنداۋ ماقساتىندا ونلاين قۇربان شالۋ تاجىريبەسى ىسكە اسادى.
ول ءۇشىن ازاماتتار Qurban2020.kz سايتىندا قۇرباندىق شالۋعا ونلاين تاپسىرىس بەرە الادى. قازاق جانە ورىس تىلدەرىندە قىزمەت كورسەتەتىن جاڭا سايتتىڭ كومەگىمەن قالا تۇرعىندارى قۇرباندىق مالىن تاڭداپ، تولەم جاساۋعا مۇمكىندىگى بار.
وسى باعىتتا قۇرباندىق شالۋ ءراسىمىنىڭ بەكىتىلمەگەن ورىنداردا جۇزەگە اسىرىلماۋىن ارنايى جەرگىلىكتى ءتارتىپ ساقشىلارى مەن سانيتارلىق-ەپيدەميولوگيالىق قىزمەت ماماندارى قاداعالايتىندىعىن ەسكەرتەمىز.
شىمكەنت
