Bıyl qasıetti Qurban aıt merekesi 31 shilde men 1-2 tamyz kúnderine sáıkes keledi.
Osy oraıda, Shymkent qalasynyń bas memlekettik sanıtarııalyq dárigeriniń qaýlysyna sáıkes, qala aýmaǵynda mal soıýdy uıymdastyrýǵa, avtokólikterde jáne jeke úı ıelikterinde mal satýǵa tyıym salynady. Sondaı-aq, mal soıý ehtarynyń jáne mal satý bazarlarynyń jumysy toqtatylady.
Azamattardyń qulshylyq amalǵa degen nıetin oryndaý maqsatynda onlaın qurban shalý tájirıbesi iske asady.
Ol úshin azamattar Qurban2020.kz saıtynda qurbandyq shalýǵa onlaın tapsyrys bere alady. Qazaq jáne orys tilderinde qyzmet kórsetetin jańa saıttyń kómegimen qala turǵyndary qurbandyq malyn tańdap, tólem jasaýǵa múmkindigi bar.
Osy baǵytta qurbandyq shalý rásiminiń bekitilmegen oryndarda júzege asyrylmaýyn arnaıy jergilikti tártip saqshylary men sanıtarlyq-epıdemıologııalyq qyzmet mamandary qadaǵalaıtyndyǵyn eskertemiz.
Shymkent
