قر پرەمەر-ءمينيسترى اسقار ءماميننىڭ نازارىنا!
قر ءبىلىم جانە عىلىم ءمينيسترى اسحات ايماعامبەتوۆ مىرزانىڭ نازارىنا!
ۇكىمەت تامىزعا دەيىن ەل كولەمىندە كارانتين جاريالادى. ماقساتى ىندەتتىڭ الدىن الۋ. كۇنىنە قانشاما ادامدى ورتامىزدان اكەتىپ جاتقان ءتاج تاجالدىڭ اپتىعىن باسۋ. كەشە قر ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعى رەسپۋبليكا بويىنشا 19 پۋنكتتە تەست وتكىزىپتى. 21 ماۋسىم مەن 1 شىلدە اراسىندا كوروناۆيرۋسكە بايلانىستى اۋىرىپ قالعانى بار، تەست كەزىندە قىزۋى كوتەرىلگەنى بار 2200-دەن استام تۇلەكتىڭ تەستتى كەيىن تاپسىراتىنى بەلگىلى بولعان. كارانتين ۋاقىتىندا وسىنشاما ادامدى جيناۋعا كىم رۇقسات ەتتى ايماعامبەتوۆ مىرزا؟
سىزدەر تەست تاپسىرۋ كەزىندە اراقاشىقتىقتى ساقتايمىز دەپ اقتالاتىن شىعارسىزدار. بىراق، الماتى قالاسىندا ءبىر جەرگە 300-گە جۋىق تۇلەك ءبىر ۋاقىتتا تاپسىرماقشى بولدى. ۇيىمداستىرۋشىلار پتسر تۋرالى اقپارات نەگە بەرمەگەنسىزدەر؟ تەستتى باقىلاۋشىلار مەن مۇعالىمدەر كوۆيدكە تەست تاپسىرماعان. نەگە بۇنداي شارالار ۇكىمەتتىك دەڭگەيدە كەلىسىلمەگەن؟ نەگە جەرگىلىكتى سانيتارلىق دارىگەرلەردىڭ ماقۇلداۋىمەن وتكىزىلەدى؟ ينەگە ۇكىمەتتىك كوميسسيانىڭ شەشىمى جوق؟ ايتا بەرسە سۇراق كوپ. جاۋاپ جوق. مەملەكەت ءوزى شوعىرلانۋ، ەشقانداي ءىس-شارا وتپەسىن دەيدى.ءۇ الدە، سانيتارلىق دارىگەر رۇقسات بەرسە كەز-كەلگەن قاۋىپتى ءىس-شارا وتە بەرە مە؟
ۇكىمەت كارانتين ۋاقىتىندا ءىس-شارالار وتكىزۋگە تيىم سالدى. قاۋىپتى ىندەت كەزىندە وسىنشاما ابيتۋريەنتتەن بولەك قانشاما باقىلاۋشى، مۇعالىم، قىزمەتكەرلەر دە قاتىستى. ولاردىڭ قاۋىپسىزدىگىنە كىم جاۋاپ بەرەدى؟ ولاردان تەست سىناماسى الىنىپ بارىپ جىبەرىلدى مە؟ ەگەر ۇلتتىق تەستىلەۋ ورتالىعىنىڭ ماماندارى اۋىرىپ قالسا ۇتو باسشىسى ديدار سماعۇلوۆ جاۋاپ بەرە مە؟
ايدوس شىمىرباي
سۋرەت اشىق ينتەرنەت كوزىنەن الىندى
