QR premer-ministrı Asqar Maminnıŋ nazaryna!
QR Bılım jäne ǧylym ministrı Ashat Aimaǧambetov myrzanyŋ nazaryna!
Ükımet tamyzǧa deiın el kölemınde karantin jariialady. Maqsaty ındettıŋ aldyn alu. Künıne qanşama adamdy ortamyzdan äketıp jatqan täj tajaldyŋ aptyǧyn basu. Keşe QR Bılım jäne ǧylym ministrlıgıne qarasty Ūlttyq Testıleu ortalyǧy respublika boiynşa 19 punktte test ötkızıptı. 21 mausym men 1 şılde arasynda koronaviruske bailanysty auyryp qalǧany bar, test kezınde qyzuy köterılgenı bar 2200-den astam tülektıŋ testtı keiın tapsyratyny belgılı bolǧan. Karantin uaqytynda osynşama adamdy jinauǧa kım rūqsat ettı Aimaǧambetov myrza?
Sızder test tapsyru kezınde araqaşyqtyqty saqtaimyz dep aqtalatyn şyǧarsyzdar. Bıraq, Almaty qalasynda bır jerge 300-ge juyq tülek bır uaqytta tapsyrmaqşy boldy. Ūiymdastyruşylar psr turaly aqparat nege bermegensızder? Testtı baqylauşylar men mūǧalımder kovidke test tapsyrmaǧan. Nege būndai şaralar Ükımettık deŋgeide kelısılmegen? Nege jergılıktı sanitarlyq därıgerlerdıŋ maqūldauymen ötkızıledı? iNege Ükımettık komissiianyŋ şeşımı joq? Aita berse sūraq köp. Jauap joq. Memleket özı şoǧyrlanu, eşqandai ıs-şara ötpesın deidı.ü Älde, sanitarlyq därıger rūqsat berse kez-kelgen qauıptı ıs-şara öte bere me?
Ükımet karantin uaqytynda ıs-şaralar ötkızuge tiym saldy. Qauıptı ındet kezınde osynşama abiturientten bölek qanşama baqylauşy, mūǧalım, qyzmetkerler de qatysty. Olardyŋ qauıpsızdıgıne kım jauap beredı? Olardan test synamasy alynyp baryp jıberıldı me? Eger Ūlttyq Testıleu ortalyǧynyŋ mamandary auyryp qalsa ŪTO basşysy Didar Smaǧūlov jauap bere me?
Aidos Şymyrbai
suret aşyq internet közınen alyndy
