ءال-فارابي اتىنداعى قازاق ۇلتتىق ۋنيۆەرسيتەتىندە ماماندىق سانى تاعى دا تولىقتى. «فيلوسوفيا جانە ساياساتتانۋ» فاكۋلتەتى «ءدىنتانۋ جانە مادەنيەتتانۋ» كافەدراسىندا 2018-جىلى "يسلامتانۋ" ماماندىعى اشىلدى. وسىعان دەيىن بۇل ماماندىقتى دوكتورانتۋرا جانە ماگيستراتۋرا دەڭگەيىندە وقۋعا بولاتىن ەدى. بۇل جەردە ءبىلىمدى جاستاردى، ناعىز بىلىكتى ماماندار دايىندايدى. ەڭ باستىسى ۋنيۆەسيتەتىمىزدە باسقا ەلدەرمەن بايلانىس ورناتىلعان. ستۋدەنتتەرگە شەتەلگە شىعۋ مۇمكىندىگى قاراستىرىلعان ( تۇركيا، قىتاي، اقش ت.ب.). ماماندىعىمىزدىڭ باستى ماقساتى- ءدىن سالاسىندا ساۋاتتى، تەرەڭىنەن ويلاپ، ءتۇيىندى وي شىعارا الاتىن، ماسەلەگە جان-جاقتى تالداۋ جاساي الاتىن ماماندار دايىنداۋ، ەلىمىزدەگى تىنىشتىق پەن بەرەكەنى ساقتاۋعا ۇلەس قوسا الاتىن بىلىكتى ماماندار دايىنداپ شىعارۋ. يسلامتانۋ – يسلام ءدىنىنىڭ تاريحىن، قاعيدالارىن، مۇسىلمان حالىقتارىنىڭ مادەنيەتىن، قۇقىعىن، ەكونوميكاسىن زەرتتەيتىن دىنتانۋلىق ءپان. ءدىن تەك سەنىم جۇيەسى ەمەس، ول – ءومىر ءسۇرۋ مانەرى، قارىم-قاتىناس ادەبى، مورالدىق نورمالار جيىنتىعى، جاقسى مەن جاماندى، ادال مەن ارامدى اجىراتۋشى رۋحاني قاعيدالار جۇيەسى. سوندىقتان، ءدىن ماسەلەسى – رۋحانيات ماسەلەسى. يسلامتانۋدىڭ نەگىزگى مىندەتى – يسلام ءدىنى، ونىڭ رۋحاني قۇندىلىقتارى، ءىزباسارلارىنىڭ باعدارلارى تۋرالى حالىققا وبەكتيۆتى اقپارات ۇسىنۋدى ۇيرەتۋ.
وسى ماماندىقتارعا ءتۇسۋ ءۇشىن تالاپكەرلەر ارنايى پاندەر بويىنشا 2 شىعارماشىلىق ەمتيحان تاپسىرادى:
1)كاسىپكە جارامدىلىعىن انىقتاۋ ءۇشىن اڭگىمەلەسۋ;
2)يسلام نەگىزدەرى بويىنشا اۋىزشا ەمتيحان.
بۇل ماماندىقتى بىتىرگەننەن كەيىن:
قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتى فيلوسوفيا، ساياساتتانۋ جانە ءدىنتانۋ ينستيتۋتى;
قازاقستان رەسپۋبليكاسى قالالارىنىڭ جانە وبلىستارىنىڭ اكىمدىكتەرى - ءدىن ىستەرى جونىندەگى باسقارماسى;
قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى;
قازاقستان رەسپۋبليكاسى ىشكى ىستەر مينيسترلىگى سياقتى بەلدى جەرلەردەن تاجىربيە مەن جۇمىستان وتە الاسىز.
ءدارىس بەرەتىن ۇستازدارىمىز تەولوگيا سالاسىنان ويىپ تۇرىپ ورىن العان بىلىكتى جاندار. كافەدرامىزدا وقۋ ءۇشىن بارلىق جاعدايلار جاسىلعان. ستۋدەنتتەر ءۇشىن سوڭعى تەحنولوگيالارمەن قامتىلعان كابينەتتەر، قازىناعا مول كىتاپحانا، ىزدەگەننىن ءبارى تابىلادى. قازۇۋ – مۇمكىندىكتەر مەكەنى. سىزدەردى، وسى ءبىر كەرەمەت ماماندىقتى ءبىزدىڭ ۋنيۆەرسيتەتىمىزدە وقۋعا شاقىرامىن.
قورىتا ايتقاندا، ءال- فارابي بابامىز «تاربيەسىز بەرىلگەن ءبىلىم ادامزاتتىڭ قاس جاۋى» دەپ بەكەر ايتپاعان بولسا كەرەك. بولاشاق مامان رەتىندە الدىمىزعا قويار ماقساتىمىز ءتارتىپتى، ءبىلىمدى، سانالى ۇرپاق تاربيەلەۋ. وسى ورايدا قارا شاڭىراقتىڭ بىزگە ۇيرەتەرى كوپ.
ەليزا نۇراحىمان,
ءال-فارابي اتىنداعى قازاق ۇلتتىق ۋنيۆەرسيتەتى، فيلوسوفيا جانە ساياساتتانۋ فاكۋلتەتىنىڭ 2-كۋرس ستۋدەنتى
