سەمەي قالاسىندا جاڭا جىلدىق شىرشانى بەزەندىرۋ كەزىندە بيىكتەن قۇلاعان مۇعالىمنىڭ جاعدايى بەلگىلى بولدى، دەپ حابارلايدى "ادىرنا" ۇلتتىق پورتالى.
49-مەكتەپتە جۇمىس ىستەيتىن قۋات ايتقاليدىڭ رەانيماتسياعا تۇسكەنى انىقتالدى. جۋرناليست ءارى قوعام بەلسەندىسى وڭعار قابدەن الەۋمەتتىك جەلى پاراقشاسىندا ەسىن جيعانىن جازدى.
ال، جۋرناليست جالعاس زەينوللا Facebook-تە قالدىرعان پىكىرىندە مۇعالىمنىڭ باس سۇيەگى سىنعانىن جانە ميىنا قان قۇيىلعانىن جازعان. سونداي-اق، تۋىستارىنا قىسىم كورسەتىلىپ جاتقانىن دا ايتقان.
بۇعان دەيىن، مۇعالىمنىڭ مەكتەپتە جاڭا جىلدىق شىرشانى بەزەندىرۋ كەزىندە بيىكتەن قۇلاپ، جاراقات العانى تۋرالى جازعان ەدىك. وقۋ-اعارتۋ ءمينيسترى عاني بەيسەمباەۆ بۇل وقيعانىڭ ەرەكشە باقىلاۋدا ەكەنىن ايتقان بولاتىن.
