ál-Farabı atyndaǵy Qazaq ulttyq ýnıversıtetinde mamandyq sany taǵy da tolyqty. «Fılosofııa jáne saıasattaný» fakýlteti «Dintaný jáne mádenıettaný» kafedrasynda 2018-jyly "Islamtaný" mamandyǵy ashyldy. Osyǵan deıin bul mamandyqty doktorantýra jáne magıstratýra deńgeıinde oqýǵa bolatyn edi. Bul jerde bilimdi jastardy, naǵyz bilikti mamandar daıyndaıdy. Eń bastysy ýnıvesıtetimizde basqa eldermen baılanys ornatylǵan. Stýdentterge shetelge shyǵý múmkindigi qarastyrylǵan ( Túrkııa, Qytaı, AQSh t.b.). Mamandyǵymyzdyń basty maqsaty- din salasynda saýatty, tereńinen oılap, túıindi oı shyǵara alatyn, máselege jan-jaqty taldaý jasaı alatyn mamandar daıyndaý, elimizdegi tynyshtyq pen berekeni saqtaýǵa úles qosa alatyn bilikti mamandar daıyndap shyǵarý. Islamtaný – ıslam dininiń tarıhyn, qaǵıdalaryn, musylman halyqtarynyń mádenıetin, quqyǵyn, ekonomıkasyn zertteıtin dintanýlyq pán. Din tek senim júıesi emes, ol – ómir súrý máneri, qarym-qatynas ádebi, moraldyq normalar jıyntyǵy, jaqsy men jamandy, adal men aramdy ajyratýshy rýhanı qaǵıdalar júıesi. Sondyqtan, din máselesi – rýhanııat máselesi. Islamtanýdyń negizgi mindeti – ıslam dini, onyń rýhanı qundylyqtary, izbasarlarynyń baǵdarlary týraly halyqqa obektıvti aqparat usynýdy úıretý.
Osy mamandyqtarǵa túsý úshin talapkerler arnaıy pánder boıynsha 2 shyǵarmashylyq emtıhan tapsyrady:
1)Kásipke jaramdylyǵyn anyqtaý úshin áńgimelesý;
2)Islam negizderi boıynsha aýyzsha emtıhan.
Bul mamandyqty bitirgennen keıin:
Qazaqstan Respýblıkasy Bilim jáne ǵylym mınıstrliginiń Ǵylym komıteti Fılosofııa, saıasattaný jáne dintaný ınstıtýty;
Qazaqstan Respýblıkasy qalalarynyń jáne oblystarynyń ákimdikteri - Din isteri jónindegi basqarmasy;
Qazaqstan Respýblıkasy Din isteri jáne azamattyq qoǵam mınıstrligi;
Qazaqstan Respýblıkasy Ishki ister mınıstrligi sııaqty beldi jerlerden tájirbıe men jumystan óte alasyz.
Dáris beretin ustazdarymyz teologııa salasynan oıyp turyp oryn alǵan bilikti jandar. Kafedramyzda oqý úshin barlyq jaǵdaılar jasylǵan. Stýdentter úshin sońǵy tehnologııalarmen qamtylǵan kabınetter, qazynaǵa mol kitaphana, izdegennin bári tabylady. QazUÝ – múmkindikter mekeni. Sizderdi, osy bir keremet mamandyqty bizdiń ýnıversıtetimizde oqýǵa shaqyramyn.
Qoryta aıtqanda, ál- Farabı babamyz «Tárbıesiz berilgen bilim adamzattyń qas jaýy» dep beker aıtpaǵan bolsa kerek. Bolashaq maman retinde aldymyzǵa qoıar maqsatymyz tártipti, bilimdi, sanaly urpaq tárbıeleý. Osy oraıda qara shańyraqtyń bizge úıreteri kóp.
Elıza NURAHYMAN,
ál-Farabı atyndaǵy Qazaq ulttyq ýnıversıteti, fılosofııa jáne saıasattaný fakýltetiniń 2-kýrs stýdenti
