الماتى قالاسىندا مەديتسينا قىزمەتكەرلەرىنە ارنالعان COVID-19 بويىنشا سەمينارلار ءوتىپ جاتىر.
«شەۆرون» كومپانياسى كولۋمبيا ۋنيۆەرسيتەتىنىڭ جانىنداعى ICAP ورتالىعىنا كوروناۆيرۋستىق ينفەكتسيامەن (COVID-19) كۇرەس جوباسىن ىسكە اسىرۋ ءۇشىن گرانت ءبولدى. جوبا سەرىكتەسى – الماتى قالاسىنىڭ دەنساۋلىق ساقتاۋ باسقارماسى. جوبانىڭ نەگىزگى ماقساتى – قر دەنساۋلىق ساقتاۋ مينيسترلىگىنە مەديتسينالىق مەكەمەلەردىڭ ينفەكتسيانى دياگنوستيكالاۋ، ەمدەۋ، الدىن الۋ جانە ينفەكتسيالىق باقىلاۋ بويىنشا الەۋەتىن ارتتىرۋدا قولداۋ كورسەتۋ.
وسى جوبانى الماتى قالاسىندا ىسكە اسىرۋ ءۇشىن ICAP الماتى قالاسى قوعامدىق دەنساۋلىق ساقتاۋ باسقارماسىمەن (قدسب) ىنتىماقتاستىق تۋرالى مەموراندۋمعا جانە «جوعارى مەديتسينالىق كوللەدج» شجق مكك-مەن قدسب COVID-19 ەپيدەمياسىندا ارەكەت ەتۋ جۇمىستارىنا تارتاتىن مەديتسينالىق جانە مەديتسينالىق ەمەس جۇمىسكەرلەردى بىرلەسىپ وقىتۋ تۋرالى مەموراندۋمعا قول قويدى.
10 شىلدەدە COVID-19 ۆيرۋسىن ەمدەۋ بويىنشا جاڭا ستاتسيوناردىڭ جۇمىسىنا جۇمىلدىرىلعان مەديتسينالىق قىزمەتكەرلەرگە ارنالىپ جوسپارلانعان ونلاين سەمينارلاردىڭ ەكەۋى ءوتتى. كىرىسپە سەمينارلاردا COVID-19 ەپيدەميولوگياسىنا قاتىستى اقپارات بەرىلىپ، ينفەكتسيانىڭ الدىن الۋ جانە COVID-19 ەپيدەمياسى جاعدايىندا ينفەكتسيالىق باقىلاۋ بويىنشا شارالار تۇسىندىرىلەدى. وعان ورتا جانە كىشى مەديتسينا پەرسونالى اراسىنان شامامەن 50 ادام قاتىستى. جەكە قورعانىس قۇرالدارىن كيۋ جانە شەشۋ داعدىلارىن نىعايتۋ بويىنشا تاجىريبەلىك ساباقتار «حالىق ارەنا» كەشەنىنىڭ نەگىزىندە 13 شىلدەدە ءوتتى. كەيىنگى سەمينارلار دارىگەرلەرگە ارنالادى جانە COVID-19 پاتسيەنتتەرىن كۇتۋ مەن ەمدەۋدى ۇيىمداستىرۋ ماسەلەلەرىنە ارنالادى.
ۇيىمداستىرۋشىلار بۇل وقۋ ورتا جانە كىشى مەديتسينا پەرسونالىنىڭ COVID-19 پاتسيەنتتەرىنە كومەك كورسەتۋ مەن ەمدەۋدى ۇيىمداستىرۋ، مەديتسينالىق مەكەمەلەردە الدىن الۋ جانە ەپيدەمياعا قارسى شارالار وتكىزۋ ماسەلەلەرى بويىنشا ءبىلىمى مەن داعدىلارىن ارتتىرۋعا كومەكتەسەدى دەگەن سەنىمدە. سونىمەن قاتار وقۋ بارىسىندا، مەديتسينالىق پەرسونالدىڭ كوروناۆيرۋستىق ينفەكتسيانى جۇقتىرۋىنا جول بەرمەۋدە ماڭىزدى ءرول اتقاراتىن، مەديتسينالىق قىزمەتكەرلەردىڭ ستاندارتتى ساقتىق شارالارىن ورىنداۋىنا جانە جەكە قورعانىس قۇرالدارىن دۇرىس پايدالانۋىنا ەرەكشە نازار اۋدارىلادى.
قازاقستان رەسپۋبليكاسىمەن 27 جىلدان استام بويعى سەرىكتەستىگى بارىسىندا “شەۆرون” كومپانياسى جەرگىلىكتى مەديتسينالىق مەكەمەلەردىڭ ينفراقۇرىلىمدارىن جاقسارتۋعا جانە قازاقستاندىق دارىگەرلەردىڭ الەۋەتىن دامىتۋعا باعىتتالعان كوپتەگەن جوبالاردى ىسكە اسىردى. بيىلعى جىلدىڭ ناۋرىزىندا كومپانيا الماتى بالالار ينفەكتسيالىق اۋرۋحاناسىندا COVID–19 ۆيرۋسىنا شالدىققان پاتسيەنتتەردى ەمدەۋ ءۇشىن ەكى جوعارى تەحنولوگيالىق يۆل (وكپەنى جاساندى جەلدەتۋ) اپپاراتىن ورناتتى. سونىمەن قاتار ءساۋىر ايىندا “شەۆرون” ICAP ورتالىعىمەن بىرگە دەنساۋلىق ساقتاۋ مينيسترلىگىنە قىتايدان COVID–19 بويىنشا ماماندار دەلەگاتسياسىنىڭ ساپارىن ۇيىمداستىرۋعا كومەكتەستى. مامىر-ماۋسىم ايلارىندا كومپانيا الماتى ق. مەديتسينالىق قىزمەتكەرلەرىن قورعاۋ ءۇشىن 70 000 رەسپيراتور ماسكا جانە 2 850 جەكە قورعانىس قۇرالدارىنىڭ تولىق جيىنتىعىن ساتىپ الىپ تاپسىرۋعا كومەكتەستى.
ICAP ورتالىعى -ۆا – اقش، نيۋ-يورك قالاسى مەيلمان اتىنداعى كولۋمبيا ۋنيۆەرسيتەتىنىڭ قوعامدىق دەنساۋلىق ساقتاۋ مەكتەبىنىڭ بولىگى. ورتالىق جۇمىسىنىڭ نەگىزگى ماقساتى وتباسىلار مەن قاۋىمداستىقتار دەنساۋلىعىن جاقسارتۋ بولىپ تابىلادى. بۇگىنگى تاڭدا ICAP 30-دان استام ەلدە دەنساۋلىق مينيسترلىكتەرىنە دەنساۋلىق ساقتاۋ جۇيەلەرىن نىعايتۋ، مەديتسينا قىزمەتكەرلەرىن وقىتۋ، دەنساۋلىق ساقتاۋ سالاسىندا يننوۆاتسيالىق ادىستەردى ازىرلەۋ جانە ءىس جۇزىندە پايدالانۋ سالاسىندا كونسۋلتاتسيالىق-ادىستەمەلىك كومەك كورسەتەتىن جانە ءىرى اۋقىمدى زەرتتەۋ جوبالارىن جۇرگىزەتىن ءىرى حالىقارالىق ۇيىم. قازاقستان رەسپۋبليكاسىندا ICAP 2011 جىلدان بەرى ايتۆ ينفەكتسيالارى بويىنشا باعدارلامالاردىڭ تيىمدىلىگىن ارتتىرۋ ماسەلەلەرى بويىنشا دەنساۋلىق ساقتاۋ مينيسترلىگىمەن تىعىز جۇمىس ىستەپ كەلەدى.
