بيزنەستى قالاي قۇرۋ، بەلگىلى ماقساتقا قول جەتكىزۋ، كوشباسشىلىق قاسيەتتەردى دامىتۋ سىندى ماسەلەلەر فورۋم اياسىندا دايىندالعان وقىتۋ سەمينارلارى، كونكۋرستار مەن تۇساۋكەسەرلەر بارىسىندا تالقىلاندى.
كەزدەسۋ اباي اتىنداعى كىتاپحانا قابىرعاسىندا ءوتتى. وعان سەمەي قالاسىنىڭ قۇرامىنا كىرەتىن بارلىق 14 اۋىلدىق وكرۋگتەردەن كەلگەن جاستار قاتىستى. فورۋم سەمەي قالاسىنىڭ ىشكى ساياسات ءبولىمىنىڭ قولداۋىمەن "شىعىس جاستارى" قوعامدىق قورىنىڭ ۇيىمداستىرۋىمەن وتكىزىلدى.
– جىل بويى اۋىلدىق وكرۋگتەردە "جاستار جىلى" اياسىندا ءتۇرلى ءىس-شارالار، سونىڭ ىشىندە سپورتتىق، مادەني، ءبىلىم بەرۋ ءىس-شارالارىن وتكىزدىك. ءبىز ءۇشىن جاستاردى بىرىكتىرۋ، ءتۇرلى پروبلەمالىق ماسەلەلەردى شەشۋگە كومەكتەسۋ، ولارعا ءوز الەۋەتىن اشۋعا، ءارتۇرلى سالالاردا جۇزەگە اسىرۋعا كومەكتەسۋ وتە ماڭىزدى. وسىنداي ماقساتتاردى دا بۇگىن اۋىل جاستارى فورۋمىن وتكىزۋ كەزىندە العا قوياتىن بولامىز، - دەدى "شىعىس جاستارى" قوعامدىق قورىنىڭ جەتەكشىسى ايدوس تولەۋحانوۆ.
وقۋ سەمينارلارىن، كونكۋرستار مەن تۇساۋكەسەرلەردى وتكىزۋ ءۇشىن كەزدەسۋگە ءار ءتۇرلى جاستار ۇيىمدارىنىڭ وكىلدەرى، جەتىستىككە جەتكەن جاس كاسىپكەرلەر، جاستار دەباتتىق كلۋبتاردىڭ قاتىسۋشىلارى، سپورتشىلار شاقىرىلدى.
«ادىرنا» پورتالى
