Almaty qalasynda medisina qyzmetkerlerıne arnalǧan COVID-19 boiynşa seminarlar ötıp jatyr.
«Şevron» kompaniiasy Kolumbiia universitetınıŋ janyndaǧy ICAP ortalyǧyna koronavirustyq infeksiiamen (COVID-19) küres jobasyn ıske asyru üşın grant böldı. Joba serıktesı – Almaty qalasynyŋ Densaulyq saqtau basqarmasy. Jobanyŋ negızgı maqsaty – QR Densaulyq saqtau ministrlıgıne medisinalyq mekemelerdıŋ infeksiiany diagnostikalau, emdeu, aldyn alu jäne infeksiialyq baqylau boiynşa äleuetın arttyruda qoldau körsetu.
Osy jobany Almaty qalasynda ıske asyru üşın ICAP Almaty qalasy Qoǧamdyq densaulyq saqtau basqarmasymen (QDSB) yntymaqtastyq turaly memorandumǧa jäne «Joǧary medisinalyq kolledj» ŞJQ MKK-men QDSB COVID-19 epidemiiasynda äreket etu jūmystaryna tartatyn medisinalyq jäne medisinalyq emes jūmyskerlerdı bırlesıp oqytu turaly memorandumǧa qol qoidy.
10 şıldede COVID-19 virusyn emdeu boiynşa jaŋa stasionardyŋ jūmysyna jūmyldyrylǧan medisinalyq qyzmetkerlerge arnalyp josparlanǧan onlain seminarlardyŋ ekeuı öttı. Kırıspe seminarlarda COVID-19 epidemiologiiasyna qatysty aqparat berılıp, infeksiianyŋ aldyn alu jäne COVID-19 epidemiiasy jaǧdaiynda infeksiialyq baqylau boiynşa şaralar tüsındırıledı. Oǧan orta jäne kışı medisina personaly arasynan şamamen 50 adam qatysty. Jeke qorǧanys qūraldaryn kiiu jäne şeşu daǧdylaryn nyǧaitu boiynşa täjıribelık sabaqtar «Halyq Arena» keşenınıŋ negızınde 13 şıldede öttı. Keiıngı seminarlar därıgerlerge arnalady jäne COVID-19 pasientterın kütu men emdeudı ūiymdastyru mäselelerıne arnalady.
Ūiymdastyruşylar būl oqu orta jäne kışı medisina personalynyŋ COVID-19 pasientterıne kömek körsetu men emdeudı ūiymdastyru, medisinalyq mekemelerde aldyn alu jäne epidemiiaǧa qarsy şaralar ötkızu mäselelerı boiynşa bılımı men daǧdylaryn arttyruǧa kömektesedı degen senımde. Sonymen qatar oqu barysynda, medisinalyq personaldyŋ koronavirustyq infeksiiany jūqtyruyna jol bermeude maŋyzdy röl atqaratyn, medisinalyq qyzmetkerlerdıŋ standartty saqtyq şaralaryn oryndauyna jäne jeke qorǧanys qūraldaryn dūrys paidalanuyna erekşe nazar audarylady.
Qazaqstan Respublikasymen 27 jyldan astam boiǧy serıktestıgı barysynda “Şevron” kompaniiasy jergılıktı medisinalyq mekemelerdıŋ infraqūrylymdaryn jaqsartuǧa jäne qazaqstandyq därıgerlerdıŋ äleuetın damytuǧa baǧyttalǧan köptegen jobalardy ıske asyrdy. Biylǧy jyldyŋ nauryzynda kompaniia Almaty balalar infeksiialyq auruhanasynda COVID–19 virusyna şaldyqqan pasientterdı emdeu üşın ekı joǧary tehnologiialyq İVL (ökpenı jasandy jeldetu) apparatyn ornatty. Sonymen qatar säuır aiynda “Şevron” ICAP ortalyǧymen bırge Densaulyq saqtau ministrlıgıne Qytaidan COVID–19 boiynşa mamandar delegasiiasynyŋ saparyn ūiymdastyruǧa kömektestı. Mamyr-mausym ailarynda kompaniia Almaty q. medisinalyq qyzmetkerlerın qorǧau üşın 70 000 respirator maska jäne 2 850 jeke qorǧanys qūraldarynyŋ tolyq jiyntyǧyn satyp alyp tapsyruǧa kömektestı.
ICAP ortalyǧy -va – AQŞ, Niu-Iork qalasy Meilman atyndaǧy Kolumbiia universitetınıŋ qoǧamdyq densaulyq saqtau mektebınıŋ bölıgı. Ortalyq jūmysynyŋ negızgı maqsaty otbasylar men qauymdastyqtar densaulyǧyn jaqsartu bolyp tabylady. Bügıngı taŋda ICAP 30-dan astam elde densaulyq ministrlıkterıne densaulyq saqtau jüielerın nyǧaitu, medisina qyzmetkerlerın oqytu, densaulyq saqtau salasynda innovasiialyq ädısterdı äzırleu jäne ıs jüzınde paidalanu salasynda konsultasiialyq-ädıstemelık kömek körsetetın jäne ırı auqymdy zertteu jobalaryn jürgızetın ırı halyqaralyq ūiym. Qazaqstan Respublikasynda ICAP 2011 jyldan berı AİTV infeksiialary boiynşa baǧdarlamalardyŋ tiımdılıgın arttyru mäselelerı boiynşa Densaulyq saqtau ministrlıgımen tyǧyz jūmys ıstep keledı.
Ūqsas jaŋalyqtar
