الماتى ەرىكتىلەرى الدىڭعى شەپتە ءجۇر

652

الماتى قالاسى جەدەل شتابىنىڭ ەرىكتىلەرى مەن  «جاسىل ەل» جاستار ەڭبەك جاساعى وكىلدەرى قازاقستاننىڭ بارلىق ايماقتارىنداعى مەديتسينا قىزمەتكەرلەرىنە جونەلتىلەتىن 53 توننا گۋمانيتارلىق كومەكتى تۇسىرۋگە كومەكتەستى.

دۇنيەجۇزىلىك دەنساۋلىق ساقتاۋ ۇيىمىنىڭ گۋمانيتارلىق كومەگى 2 كۇن بۇرىن MEDSERVICE PLUS قازاقستاندىق فارماتسەۆتيكالىق كومپانياسىنىڭ قويمالارىنا جىبەرىلدى.

الماتى قالاسى جاستار ساياساتىن دامىتۋ مەملەكەتتىك قورى كوروناۆيرۋس باستالعالى قالانىڭ تىرشىگىنە ءوز ۇلەستەرىن قوسۋدا. مىسالى،  ناۋرىزباي اۋدانىندا ورنالاسقان  «جۇلدىزدار الاڭى» ساياباعىندا «تازا الماتى» اكتسياسىن وتكىزدى. قاجەتتى جەرلەرگە كەرەكتى ازىق-تۇلىك پەن ماسكالار تاراتىپ ءجۇر.

بۇدان بولەك  «جاسىل ەل» جاستار ەڭبەك جاساقتارىنىڭ قىز-جىگىتتەرى  الاتاۋ مەن جەتىسۋ اۋداندارىندا ەكولوگيالىق ساۋالناما جۇرگىزىپ، سول اۋماقتاردى جينادى. مەدەۋ، تۇرىكسب اۋداندارىندا جاسىل ەل جاساعىنىڭ وكىلدەرى  كوپتەگەن زاڭ بۇزۋشىلىقتاردى، بوتەلكە، تەمەكى جانە باسقا دا قوقىستاردىڭ زاڭسىز تاستالعان بىرنەشە قوقىس ۇيىندىلەرىن تاپقان.

جاستار ساياساتىن دامىتۋ مەمەلەكەتتىك قورىنىڭ «جاسىل ەل» جاستار ەڭبەك جاساقتارىنىڭ ساربازدارى اباي اتىنداعى قازاق ۇلتتىق پەداگوگيكالىق ۋنيۆەرسيتەتى جانىنداعى سپورت كەشەنىن قايتا جاڭعىرتۋعا كومەكتەسۋدە. سونداي-اق وسى قور قاراعايلى اۋدانىنا ەمەننىڭ 40 كوشەتىن وتىرعىزعان. ارداگەرلەرگە سەنبىلىك ناۋقاندار وتكىزىپ، اۋلالارىن رەتكە كەلتىرۋگە اتسالىسىپ كەلەدى.

 

اسقار گۇلۆيرا،

"ادىرنا" ۇلتتىق پورتالى

پىكىرلەر