الماتىدا بيىل «الماتى جاستارى» تۇرعىن ءۇي باعدارلاماسىنا 6 626 ءوتىنىم قابىلداندى، دەپ حابارلايدى "ادىرنا" ۇلتتىق پورتالى.
بۇل تۋرالى قالالىق كوممۋنالدىق ينفراقۇرىلىم جانە تۇرعىن ءۇي ينسپەكتسياسى باسقارماسى حابارلادى.
ۆەدومستۆونىڭ مالىمەتىنشە، باعدارلاما اياسىندا 3 040 قاتىسۋشىعا جولداما بەرىلگەن. ونىڭ ىشىندە 2 168 الماتىلىق جەڭىلدەتىلگەن نەسيە الىپ، باسپانا ساتىپ الدى. سونىمەن قاتار جۇمىسشى جاستارعا ارنالعان جالدامالى تۇرعىن ءۇي بەرۋ جالعاسۋدا.
بيىل جەڭىلدىك ساناتىنداعى 48 ازاماتقا باستاپقى جارنانىڭ ءبىر بولىگىن وتەۋگە ارنالعان تۇرعىن ءۇي سەرتيفيكاتتارى تەگىن بەرىلدى. بەرىلگەن كومەكتىڭ جالپى سوماسى – 72 ملن تەڭگە.
سونىمەن بىرگە قالادا جالدامالى تۇرعىن ءۇيدى سۋبسيديالاۋ مەحانيزمى ىسكە اسىرىلىپ كەلەدى. باعدارلاما بويىنشا ەرەكشە قاجەتتىلىگى بار ادامدارعا، كوپبالالى وتباسىلارعا جانە جەتىم بالالارعا جالداۋ اقىسىنىڭ 50%-ىنا دەيىن سۋبسيديا قاراستىرىلعان. وپەراتور – «وتباسى بانك» اق، وتىنىمدەر ونلاين قابىلدانادى. بيىل سۋبسيديا الىپ وتىرعان 639 جالعا الۋشىنىڭ پاتەرىنە تەكسەرۋ جۇرگىزىلدى.
