بەتپەردە - ءوزىڭىزدى جانە وتباسىڭىزدى قۇتقارۋدىڭ ەڭ قاراپايىم ءتاسىلى

2550
Adyrna.kz Telegram

«نۇرلى-تاۋ» بيزنەس ورتالىعىندا الماتى قالاسىنىڭ الەۋمەتتىك دامۋ دەپارتامەنتىنىڭ، الماتى قالاسى جاستار ساياساتىن دامىتۋ مەملەكەتتىك قورىنىڭ قولداۋىمەن «StopCovAlmaty» اكتسياسى ءوتتى.

اكتسيانىڭ باستالۋى كەزىندە جەدەل شتابتىڭ ەرىكتىلەر قۇرامى «بەتپەردە كيگەنىڭىزگە راحمەت!»، «سپاسيبو چتو ۆى نوسيتە ماسكي!» دەگەن سوزدەر جازىلعان فۋتبولكالارىمەن شىقتى. سونداي-اق، كاسىپكەر قايرات قۇدايبەرگەن مەن "Alibekov" برەندىنىڭ نەگىزىن قالاۋشى - الىبەكوۆ بەيبىتكە «بەتپەردە تاعىڭىز» ، «نوسيتە ماسكي» دەگەن جازۋى بار العاشقى ستيكەردى تاپسىرۋعا جانە ونى ءوز كولىگىنە جاپسىرۋعا شاقىردى.

ەرىكتىلەر جۇرگىزۋشىلەردىڭ رۇقساتىمەن بۇل جاپسىرمالاردى كولىكتەردىڭ ارتقى تەرەزەلەرىنە جاپسىردى.

جاستار ساياساتىن دامىتۋ مەملەكەتتىك قورى  ۇندەۋىمىز ەستىلىپ قانا قويماي، كورىنەتىن بولادى دەپ ۇمىتتەنەدى.

"وسى اكتسيا ارقىلى ءبىز قالا تۇرعىندارى مەن جاقىندارىمىزدىڭ دەنساۋلىعى ءۇشىن ءوزىمىز جاۋاپتى ەكەنىمىزدى تۇسىنۋگە شاقىرامىز. بەتپەردە - ءوزىڭىزدى جانە وتباسىڭىزدى قۇتقارۋدىڭ ەڭ قاراپايىم ءتاسىلى!", - دەيدى ۇيىمداستىرۋشىلار.

 

اسقار گۇلۆيرا،

"ادىرنا" ۇلتتىق پورتالى

پىكىرلەر