تانىمال رەسەيلىك ورىنداۋشى Morgenshtern (شىن اتى الىشەر مورگەنشتەرن) قازاقستانعا، اتاپ ايتقاندا قوستانايعا گۋمانيتارلىق كومەك جىبەرۋدە. بۇل تۋرالى ول Telegram كانالى مەن Instagram جەلىسىندە جاريالادى، دەپ حابارلايدى “ادىرنا” ۇلتتىق پورتالى.
«قازاقستانعا، اتاپ ايتقاندا قوستانايعا گۋمانيتارلىق كومەك تيەلگەن جۇك كولىگى بارا جاتىر»، - دەپ جازدى ءانشى.
ول سونداي-اق ونىڭ قورى ورسك قالاسىنداعى سۋ تاسقىنىنان زارداپ شەككەندەرگە كومەكتەسەتىنىن ايتتى.
ەستەرىڭىزگە سالا كەتەيىك، قوستاناي سۋ تاسقىنىمەن كۇرەسىپ جاتىر. بيىلعى 28 ناۋرىزىنان باستاپ امانگەلدى، جانگەلدى اۋداندارى مەن ارقالىق قالاسىندا توتەنشە جاعداي رەجيمى ەنگىزىلدى. سونداي-اق، قاراسۋ، قوستاناي وبلىسى مەن قوستاناي اۋدانىندا توتەنشە جاعداي ەنگىزىلدى.
وبلىس اكىمدىگى اۋدان تۇرعىندارىنا كەلتىرىلگەن شىعىندى وتەۋگە ۋادە بەردى. قازىردىڭ وزىندە باعالاۋ كوميسسياسى كەلتىرىلگەن شىعىندى ەسەپتەپ جاتىر.
كەيىن وبلىستىڭ تاعى 14 اۋدانىنا قاۋىپ ءتونىپ تۇرعانى بەلگىلى بولدى. سونىمەن، سۋ باسقان اۋماقتار تىزىمىنە ناۋرىزىم، قاراسۋ اۋداندارى مەن رۋدنىي قالاسى كىردى.
