بۇگىن "Nur Otan" پارتياسى، شىمكەنت قالاسى ءال-فارابي اۋداندىق فيليالىنىڭ توراعاسى، اۋدان اكىمى ع.ماۋلەنقۇلوۆ باستاعان قوعامدىق مونيتورينگتىك توپ اۋدان اۋماعىنداعى ورنالاسقان ءىرى ءدارىحانالاردا بولىپ، حالىق سۇرانىسىنداعى ءدارى-دارمەكتەردىڭ قولجەتىمدىلىگى مەن باعاسىنىڭ تۇراقتىلىعىنا زەردەلەۋ جۇمىستارىن جۇرگىزدى.
ونداعى ماقسات – ءدارىحانا سورەلەرىندە ءدارى-دارمەك تاپشىلىعىن، باعالارىنىڭ شارىقتاۋ دەڭگەيىن، ساتىپ الىنعان ءدارى-دارمەككە چەك بەرىلۋ-بەرىلمەۋىن قاداعالاۋ، سونداي-اق ءدارى باعالارىنىڭ مەملەكەت بەكىتكەن باعا تۇراقتىلىعى مەن حالىققا قولجەتىمدىلىگى بويىنشا مونيتورينگ جۇرگىزۋ.
ءال-فارابي اۋدانى اۋماعىندا جالپى 118 ءدارىحانا بار. ولاردىڭ 32-ءسى 24 ساعات جۇمىس ىستەسە، قالعان 86-سى كۇندەلىكتى تاڭەرتەڭگى 9:00-دەن كەشكى 21:00-گە دەيىن قىزمەت كورسەتەدى.
مونيتورينگتىك توپتىڭ زەردەلەۋ جۇمىستارى بارىسىندا كەيبىر قاجەتتى ءدارى-دارمەك سورەلەردە جوق ەكەندىگى انىقتالدى. الايدا وندا الماستىرۋشى دارىلەر بار ەكەنى بەلگىلى بولدى. ءتيىستى مامانداردىڭ مالىمەتىنشە، الداعى 3 كۇن ىشىندە بارلىق ءدارى-دارمەك حالىققا تولىق قولجەتىمدى بولاتىنىن مالىمدەدى. قازىرگى ۋاقىتتا ء"بىرىنشى ءدارىحانا", "ەۆروفارما" "زەردە" سىندى ءدارىحانالار جۇيەسىندە ۆيرۋستىڭ الدىن الۋعا ارنالعان ءدارى-دارمەكتەردىڭ 90% بار. باعاسى تۇراقتى.
ايتا كەتسەك، قازىرگى تاڭدا شىمكەنت قالاسىندا 10 ءىرى كوتەرمە ءدارى-دارمەك جانە مەديتسينالىق قۇرال-جابدىق جەتكىزىپ بەرۋشى مەكەمەلەر جۇمىس اتقارادى. بۇگىنگى كۇنى قالادا ءبىر ايلىق ءدارى-دارمەك قورى بار، ونىڭ ىشىندە دەنە قىزۋىن تومەندەتەتىن 115 843 پرەپارات، 136 352 ۆيرۋسقا قارسى پرەپارات، 133 040 انتيبيوتيكتەر جانە 44 253 قوراپ «س ۆيتاميندەرى» بار.
شىمكەنت
