«كەدەرگىلەردى جەڭۋ» دەرەكتى ءفيلمى تاتارستانعا جول تارتادى

2513
Adyrna.kz Telegram

«كەدەرگىلەردى جەڭۋ» دەرەكتى ءفيلمى XVI قازان حالىقارالىق مۇسىلمان كينوسى فەستيۆالىنىڭ كونكۋرستىق باعدارلاماسىنا ەنگىزىلدى. كارتينانىڭ رەجيسسەرى – بانۋ رامازانوۆا.

قر مادەنيەت جانە سپورت مينيسترلىگىنىڭ تاپىسىرىسىمەن «قازاقفيلم» كينوستۋدياسىندا تۇسىرىلگەن دەرەكتىڭ ءفيلمنىڭ جەلىسى 1952 جىلى جامبىل ماڭىنداعى لۋگوۆوي جىلقى زاۋىتىندا تۋعان سوۆەت زامانىنداعى جىلقى سپورتىنىڭ اڭىزى بولعان «ابسەنت» اقالتەكەسى تۋرالى جانە تاۋەلسىز قازاقستانداعى كونكۋردىڭ جاعدايىن باياندايدى.

XVI قازان حالىقارالىق مۇسىلمان كينوسى فەستيۆالى بيىل تەحنيكالىق تارتىپتە وتەتىندىكتەن كورەرمەندەر ءۇشىن جابىق بولادى. مۇنداي شەشىمدى فەستيۆالدىڭ قۇرىلتايشىلارى مەن ۇيىمداستىرۋشىلارى كوروناۆيرۋس ينفەكتسياسىنىڭ تارالۋىن بولدىرماۋ شارالارىن قامتاماسىز ەتۋ ماقساتىندا قابىلدادى.

ايتا كەتۋ كەرەك، ۇيىمداستىرۋ كوميتەتى 63 ەلدەن 629 فيلم تىركەدى. كينوتانۋشى سەرگەي اناشكيننىڭ توراعالىعىمەن ىرىكتەۋ كوميسسياسى 52 فيلمنەن تۇراتىن قىسقا تىزىمگە كونكۋرس جاسالدى. قازاقستاندىق فيلم باق سىنايتىن «تولىقمەتراجدى دەرەكتى فيلمدەر» بايقاۋىندا ءۇندىستاننان، تاجىكستاننان، گەرمانيادان، شۆەيتساريادان، رەسەيدەن جانە باسقا ەلدەردەن 10 فيلم ۇسىنىلدى.

جەڭىمپازداردىڭ ءتىزىمى قىركۇيەكتىڭ باسىندا فەستيۆالدىڭ رەسمي سايتىندا جاريالانادى.

ەستەرىڭىزگە سالا كەتسەك، «كەدەرگىلەردى جەڭۋ» دەرەكتى ءفيلمىنىڭ فەستيۆال تاريحى تۇركيادا باستالدى. 2020 جىلدىڭ مامىر ايىنىڭ سوڭىندا فيلم Anatolia International Film Festival باستى بايقاۋىنا قاتىستى.

اعىمداعى جىلدىڭ تامىز ايىندا اتالمىش فيلم تاعى ەكى فەستيۆالدا باق سىنايدى. 1-7 تامىز ارالىعىندا گرەتسيادا وتەتىن  7-ءشى يەراپتەرا حالىقارالىق دەرەكتى فيلمدەر فەستيۆالىنىڭ نەگىزگى كونكۋرستىق باعدارلاماسىنا جانە 23-30 تامىز ارالىعىندا Docs Without Borders Film Festival كينوفەستيۆالىنىڭ نەگىزىگى كونكۋرسىنا قاتىسادى.

"ادىرنا" ۇلتتىق پورتالى

پىكىرلەر