ء«ابىل» فيلمىندە باستى ءرولدى سومداعان اكتەر، ءانشى، مۋزىكا زەرتتەۋشىسى ەرلان تولەۋتاي شەتەلدە قاتارىنان ەكى مارتە «ەڭ ۇزدىك اكتەر» اتاندى، دەپ حابارلايدى "ادىرنا" ۇلتتىق پورتالى.
ونىڭ العاشقىسى – 10–22 قاراشا ارالىعىندا يرلانديانىڭ دۋبلين قالاسىندا وتكەن 13-ءشى Silk Road International Film Festival, ەكىنشىسى – پاريجدە ۇيىمداستىرىلعان «فرانتسياداعى قازاق كينولارى فەستيۆالى».
بۇل جاڭالىقتى فيلم رەجيسسەرى ەلزات ەسكەندىر الەۋمەتتىك جەلىدە ءبولىستى.
«اعامىزدىڭ قوس جەڭىسى ءۇشىن وتە قۋانىشتىمىز. ەرلان تولەۋتاي بولماسا – ءابىل بولماس ەدى. ءسىز بۇل فيلم ءۇشىن سوڭىنا دەيىن تۇرعان از ازاماتتىڭ ءبىرىسىز، اعا! سىزگە زور راحمەت ايتام! ءارى شىن جۇرەگىممەن قۇتتىقتايمىن! قۇتتى بولسىن!» – دەپ جازدى ول.
قازاقستاندىق رەجيسسەر ەلزات ەسكەندىردىڭ ء«ابىل» ءفيلمى بۇعان دەيىن دە حالىقارالىق دەڭگەيدە جوعارى باعالاندى. تۋىندى 31-ءشى Vesoul حالىقارالىق ازيا كينوفەستيۆالىندە (فرانتسيا) ءۇش بىردەي جۇلدەنى جەڭىپ العان ەدى.
