قازاقستان كينوتەاترلارىندا رەجيسسەر جاندوس ايباسوۆ تۇسىرگەن «№ 37» ءفيلمى پروكاتقا شىقتى، دەپ حابارلايدى "ادىرنا" ۇلتتىق پورتالى.
كارتينانىڭ نەگىزى — ازەربايجان دراماتۋرگى يسمايل يمانىڭ پەساسى.
باستى رولدە تەراكت قۇربانى بولعان راسۋلدىڭ ون بەس جىلدان كەيىن وتباسىنا قايتا ورالۋى باياندالادى.
مۇحتار اۋەزوۆ تەاترىنىڭ كوركەمدىك جەتەكشىسى، قازاقستاننىڭ تانىمال رەجيسسەرلەرىنىڭ ءبىرى فارحاد مولداعالي دايىنداعان قويىلىم حالىقتىق حيتكە اينالىپ، ەلىمىزدىڭ بارلىق ءىرى قالالارىن ارالاپ، 100 مىڭ كورەرمەن جيناعان. پەسانى قازاق تىلىنە دراماتۋرگ الىشەر راحات اۋدارعان. سول كۇندەرى ونىڭ اۋدارما پەسالار جيناعى دا جارىق كوردى.
يسمايل يمان قازاقستانداعى پرەمەرالارعا ەرەكشە اسەرلەنگەنىن جاسىرمادى.
ء«وز ءماتىنىڭنىڭ باسقا ەلدە، الدىمەن ساحنادا، كەيىن كينودا ءومىر سۇرگەنىن كورۋ — ۇلكەن قۋانىش. بۇل — بولەك ومىرگە يە بولعان بالا سەكىلدى: ول باسقا تىلدە سويلەيدى، ونى جاقسى كورەدى. پەسا قازاقستان شىنايىلىعىنا بەيىمدەلگەنىمەن (استارى باقتارىنىڭ ورنىنا — بالقاش كولى), ونىڭ وزەگى سول كۇيىندە قالدى — ادام تاعدىرى، نازىك قارىم-قاتىناستار. قىزىعى، فيلم وبرازدار مەن سيۋجەت جاعىنان باستاپقى ماتىنگە سپەكتاكلدەن دە جاقىنىراق بولدى»، — دەدى دراماتۋرگ.
